WSWS කර්තෲ මණ්ඩලය විසිනි.
මෙහි පළවන්නේ ලෝක සමාජවාදී වෙබ් අඩවියේ (WSWS) 2026 මාර්තු 03 වන දින ‘Trump and Hegseth launch “total war” against Iran’ යන හිසින් පළවූ WSWS කර්තෲ මණ්ඩලය විසින් ලියන ලද දිරිදර්ශන ලිපියේ සිංහල පරිවර්තනය යි.
එක්සත් ජනපදය සහ ඊශ්රායලය ඉරානයට එරෙහිව නීති විරෝධී සහ ප්රකෝප නොකළාවූ යුද්ධයක් දියත් කිරීමෙන් ගත වූ දින තුන තුළ, ප්රහාරයේ ස්වභාවය පැහැදිලි වී ඇත: එය ඉරාන රාජ්යය ක්රමානුකූලව විනාශ කිරීම සහ සමස්ත ජනගහනයක්ම යටත් කර ගැනීම අරමුණු කරගත් දැවැන්ත බෝම්බ ප්රහාරයකි.
වාර්තාවලින් පෙනී යන්නේ පළමු පැය 48 තුළ පමණක්, එක්සත් ජනපද සහ ඊශ්රායල හමුදා රාත්තල් 2,000 ක බෝම්බ භාවිතා කරමින් ජ්යෙෂ්ඨ දේශපාලන හා හමුදා නායකයින් ඝාතනය කිරීම සඳහා බෙලි කැපීමේ ප්රහාර එල්ල කරමින් ඉලක්ක 1,200 කට පමණ ප්රහාර එල්ල කළ බවයි. බෝම්බ ප්රහාරය ඉරානයේ ගුවන් ආරක්ෂක සහ රටේ මූලික ස්නායු පද්ධතිය–ගුවන් යානා නාශක අවි, රේඩාර්, සන්නිවේදන ජාල සහ අණ දෙන සහ පාලන පද්ධති–අක්රීය කිරීම කෙරෙහි අවධානය යොමු කර ඇත්තේ ඊටත් වඩා විනාශකාරී ප්රහාරයකට සූදානම් වීම සඳහා ය.
ඉරානයේ මානව හිමිකම් ක්රියාකාරීන් (HRANA) ට අනුව, නැගෙනහිර වේලාවෙන් (Eastern Time) සඳුදා දහවල් වන විට, ළමුන් 176 දෙනෙකු ඇතුළුව අවම වශයෙන් සිවිල් වැසියන් 742 දෙනෙකු මරා දමා ඇති අතර, 900 කට වැඩි පිරිසක් තුවාල ලබා ඇත.
ට්රම්ප් මෙම සංහාරය ගැන ප්රීති වී ඇත. “අපි ඔවුන්ට දුවන්න පහර දෙනවා,” ඔහු කේබල් රූපවාහිනී නිවේදකයෙකුට පැවසුවේ, ඉදිරියේදී සිදුවීමට නියමිතව ඇති විශාල ඝාතනයක් පිළිබඳ පැහැදිලි තර්ජනයක් නිකුත් කරමිනි: “අපි ඔවුන්ට තදින් පහර දීමට පටන් ගෙනවත් නැහැ. … ලොකු දේ ඉක්මනින්ම එනවා.” යුද්ධය “සති හතරක් හෝ පහක්” සහ සමහර විට “බොහෝ කාලයක්” පැවතිය හැකි බව ට්රම්ප් ප්රකාශ කර තිබේ. සඳුදා රාත්රියේ අග භාගයේ සමාජ මාධ්ය සටහනක දී ට්රම්ප් ප්රකාශ කළේ, එක්සත් ජනපද අවි තොග සමඟ “යුද්ධ ‘සදහටම’ කළ හැකි” බවයි.
අන්ත දක්ෂිණාංශික නිව්යෝර්ක් පෝස්ට් පුවත්පතට කතා කරමින් ට්රම්ප් ප්රකාශ කළේ, “පාබල හමුදා ආක්රමණයක් සම්බන්ධයෙන් මට චකිතයක් නැත. සෑම ජනාධිපතිවරයෙක්ම පවසන්නේ, “පාබල හමුදා නොයොදවනු ඇති” බවයි. මම එසේ නොකියමි.”
ට්රම්ප් පරිපාලනයේ උමතු ගිනි අවුලුවන්නන් සහ ඊශ්රායලයේ ඔවුන්ගේ සහචරයින් මුළු කලාපයම ගිනිබත් කරමින් සිටින අතර ලෝකයම විශ්මයජනක පරිමාණයේ ව්යසනයකට ඇද දැමීමේ තර්ජනය මතු කර ඇත.
ධවල මන්දිරය විසින් නිකුත් කරන ලද සාධාරණීකරණයන් සහ “පැහැදිලි කිරීම්” දවසින් දවස සහ පැයෙන් පැය පවා වෙනස් වේ. මෙම යුද්ධය දියත් කළේ ඇයි, එය පිළිතුරු දෙන්නේ කුමන “තර්ජනයට” ද යන්න හෝ ඔවුන් හඹා යන බව කියාපාන ප්රතිඵලය කුමක්ද යන්න පිළිබඳව ට්රම්ප් සහ ඔහුගේ සහායකයින්ට සංගත විස්තරයක් ලබා දිය නොහැක. අයතුල්ලා කමේනි ඝාතනයෙන් පසු “සංක්රාන්තියක්” සඳහා වූ ඔහුගේ සැලසුම් ඉරාන රාජ්යයේ නායකත්වයේ සියලු දෙනා මරා දැමීම නිසා කඩාකප්පල් වූ බව ට්රම්ප් විසින්ම පිළිගෙන තිබේ.
වොෂින්ටනය තුළ වැජඹෙන්නේ අන්ත මැර-කල්ලිවාදය යි. ප්රහාරය ආරම්භ වීමෙන් පසු සඳුදා උදෑසන පෙන්ටගනයේ පැවති පළමු නිල හමුදා සාකච්ඡාවේ දේශපාලන අන්තර්ගතය එයයි. යුද ලේකම් පීට් හෙග්සෙත් මෙම සාකච්ඡාව භාවිතා කරමින් මෙසේ ප්රකාශ කළේය: “දින දෙකකට පෙර, ජනාධිපති ඩොනල්ඩ් ජේ. ට්රම්ප්ගේ මඟ පෙන්වීම සහ සෘජු නියෝග යටතේ, යුද දෙපාර්තමේන්තුව ඉතිහාසයේ වඩාත්ම මාරාන්තික, වඩාත්ම සංකීර්ණ සහ වඩාත්ම නිරවද්ය ගුවන් මෙහෙයුම වන ඔපරේෂන් එපික් ෆියුරි (Operation Epic Fury) දියත් කළේය.”
ඉතිහාසයේ “වඩාත්ම මාරාන්තික” ගුවන් මෙහෙයුම? අනුමාන වශයෙන් එය දෙවන ලෝක යුද්ධයේ ගිනි-බෝම්බ හෙලීමේ සංහාරවලට වඩා මාරාන්තික බව අදහස් කෙරෙයි. පිළිවෙලින් 90,000 ක් සහ 60,000 ක් මිය ගිය හිරෝෂිමා සහ නාගසාකි වෙත පරමාණු බෝම්බ හෙලීම ඇතුළුව අවම වශයෙන් මිනිසුන් 100,000 ක් මරා දැමූ ටෝකියෝව පුළුස්සා දැමීම මීට ඇතුලත් වේ.
එක්සත් ජනපද හමුදාව තරණය නොකරන කිසිදු රතු රේඛාවක් නොමැති බව හෙග්සෙත් පැහැදිලිව ප්රකාශ කළේය. යුද්ධය සිදු කරනු ඇත්තේ “සියල්ල අපගේ කොන්දේසි මත, උපරිම බලධාරීත්වය සමඟ, කිසිදු සටන් කිරීමේ තකතීරු නීති රීති නොමැතිව, ජාතිය ගොඩනැගීමේ මඩ ගොහොරුවක් නොමැතිව, ප්රජාතන්ත්රවාදය ගොඩනැගීමේ අභ්යාසයක් නොමැතිව, දේශපාලනිකව නිවැරදි යුද්ධ නොමැතිව බව ඔහු පුරසාරම් දෙඩවීය. අපි ජයග්රහණය සදහා සටන් කරමු…”
මෙය නාසීන් කළාක් මෙන් යුද්ධ කිරීමට අදහස් කරන ප්රකාශයකි. නාසි ප්රචාරක අමාත්ය ජෝසප් ගොබෙල්ස් අනුකරණය කරමින් හෙග්සෙත් “සම්පූර්ණ යුද්ධය” ප්රකාශ කරයි: එක්සත් ජනපදය ජාත්යන්තර හෝ දේශීය නීතියෙන් සීමා නොවනු ඇත. තුන්වන රයිකයට එරෙහිව විනිශ්චය කිරීමේදී නියුරම්බර්ග් විනිශ්චය සභාව හෙළා දුටුවේ මෙයයි: එනම්, ආක්රමණශීලී යුද්ධය දියත් කිරීම “සාමයට එරෙහි අපරාධයක්”—එනම්, “ඉහළම ජාත්යන්තර අපරාධය”—ලෙස තින්දු කිරීමයි. අවසානයේ ඊට වගකිවයුත්තන් මරණ දණ්ඩනයට ලක් කෙරුණි.
ලේ ඉල්ලා හඬ නඟමින් හෙග්සෙත් “රණශූර ආචාර ධර්ම” වර්ණනා කරමින් මෙසේ පැවසීය: “අපි තවදුරටත් ආරක්ෂකයින් නොවෙමු. අපි රණශූරයන් වෙමු, සතුරා මරා දැමීමට සහ ඔවුන්ගේ අධිෂ්ඨානය බිඳ දැමීමට අප පුහුණු කර ඇත.” එක් අවස්ථාවක, හෙග්සෙත් ඊශ්රායලය “දක්ෂ හවුල්කරුවන් ලෙස ප්රශංසා කළේය… අපගේ බොහෝ සාම්ප්රදායික සහචරයින් මෙන්, තම දෑත් අඹරවමින් බලය භාවිතා කිරීම ගැන අනිශ්චිතව පසුබට වෙමින් හා වික්ෂිප්ත වෙමින්” සිටින්නේ නැත . එනම්, ගාසා තීරයේ ඊශ්රායල ජන සංහාරය ඉරානය සඳහා ද ආදර්ශයක් විය යුතුය.
මුළු සාකච්ඡාවේම තර්ජනාත්මක ස්වරයක් තිබුණි: නීති විරෝධී යුද්ධයක් දියත් කර සමූහ ඝාතනයක් සූදානම් කරන පාලන තන්ත්රයක් ඒ සමඟම ප්රකාශ කරන්නේ ඇමරිකානු ජනතාවට කිසිදු පැහැදිලි කිරීමක් කළ යුතු නැති බවත් කිසිදු ප්රශ්න කිරීමක් නොඉවසන බවත්ය. බෝම්බ ප්රහාරය “සති හතරක් හෝ පහක්” පවතිනු ඇති බවට ට්රම්ප් කළ ප්රකාශය වාර්තාකරුවෙකු උපුටා දැක්වූ විට, එය “උගුල් ප්රශ්නයක්” (gotcha question) බව කියමින් හෙග්සෙත්ර් එය සමච්චලයට ලක් කළේය. ට්රම්ප් කලින් තමාගේම “සදාචාරය” ලෙස විස්තර කළ දෙය හැර වෙනත් කිසිදු බාධාවක් ධවල මන්දිරය සහ පෙන්ටගනය හඳුනා නොගනී.
ඉරානය නටාන්ස් න්යෂ්ටික සුපෝෂණ ආයතනය (nuclear enrichment facility) ප්රහාරවලට ලක් වූ බවට චෝදනා කිරීමෙන් පසු මාර්තු 2 වන දින ජාත්යන්තර පරමාණුක බලශක්ති ඒජන්සිය (IAEA) හදිසි පාලක මණ්ඩල සැසියක් කැඳවීය. න්යෂ්ටික ස්ථානවලට එල්ල වන ප්රහාර දිගටම පැවතුනහොත්, “ප්රධාන නගරවලට වඩා විශාල ප්රදේශවලින් හෝ ප්රධාන නගර වලින් ජනතාව ඉවත් කිරීමේ අවශ්යතාවය ඇතුළු බරපතල ප්රතිවිපාක සහිත විය හැකි විකිරණශීලී මුදා හැරීමක් අපට බැහැර කළ නොහැකි” බව අධ්යක්ෂ ජෙනරාල් රෆායෙල් ග්රෝසි ( Rafael Grossi) සිය ප්රකාශයෙන් අනතුරු ඇඟවීය.
හෙග්සෙත්ගේ ප්රකාශයන් උත්සන්න කිරීමේ ඊළඟ අදියරද පෙන්නුම් කළේය. “ හමුදා විදෙස් භූමියක මැදිහත් කිරීම” ප්රතික්ෂේප කිරීම බැහැර කරනා අතර, ට්රම්ප්ගේම ප්රකාශයන් ප්රතිරාවය කරමින් ඔහු, එක්සත් ජනපදය ප්රමුඛ ආක්රමණයක–එනම්, දළ වශයෙන් මිලියන 93 ක ජනතාවක් සිටින රටකට එරෙහිව පූර්ණ පරිමාණයේ ගොඩ බිම් යුද්ධයක–අපේක්ෂාව විවෘතව තැබීය.
2003 ඉරාක ආක්රමණය ආරම්භ වූයේ ඇමරිකානු හමුදා භටයින් 145,000 ක් පමණ සමඟින් වන අතර, එක්සත් ජනපද නිලධාරීන් විස්තර කළේ එය “ඉරානය ආක්රමණය කිරීමට අවශ්ය වන ප්රමාණයෙන් සුළු කොටසක්” ලෙසයි. ඉරානය ඉරාකයට වඩා විශාල, කඳුකර සහ ජනාකීර්ණ වන අතර දිගුකාලීන ප්රතිරෝධයක් දැක්වීමට බෙහෙවින් හැකියාව ඇත. භූමි අත්පත් කර ගැනීමෙන් පාලන තන්ත්ර වෙනසක් කිරීමට ගන්නා ඕනෑම උත්සාහයක්, ඕනෑම බැරෑරුම් තක්සේරුවකට අනුව, ආරම්භයේදීම ලක්ෂ කිහිපයක හමුදා ද, වාඩිලා ගැනීම සහ අභ්යන්තර පාලනය සදහා බෙහෙවින් විශාල හමුදාවන්ද ඉල්ලා සිටිනු ඇත.
ඇමරිකානු අධිරාජ්යවාදයේ මූලෝපාඥයන්ගේ සම්මත කැරලි මර්දන සහ වාඩිලාගැනීමේ සැලසුම්කරණය, පදිංචිකරුවන් 1,000 කට ආසන්න වශයෙන් ආරක්ෂක නිලධාරීන් 20-25 ක මිණුම් ලකුණක් භාවිතා කරයි; ඉරානයේ ජනගහනයට අදාළ වන පරිදි, එයින් අදහස් කරන්නේ දළ වශයෙන් මිලියන 1.9 ත් 2.3 ත් අතර හමුදා එහි යෙදිය යුතු බවයි.
ඇමරිකානු සමාජය යුද්ධයට සම්පූර්ණයෙන්ම යටත් නොකර මෙම පරිමාණයේ යුද්ධයක් කළ නොහැකිය. කම්කරු පන්තිය මත දැවැන්ත ප්රහාරයක් එල්ල කිරීම මගින් දැවැන්ත යුද පිරිවැය බලෙන් පටවනු ඇත. ඒ සමඟම, රජයට බලය යොදා විරුද්ධත්වය මර්දනය කිරීමට සිදුවනු ඇත. මිලියන 93 ක ජනගහනයක් සිටින රටකට එරෙහිව දීර්ඝ යුද්ධයක් සඳහා විදේශයන්හි බෝම්බ සහ හමුදා පමණක් නොව, රට තුළ රුදුරු පොලිස් රාජ්යයක් අවශ්ය වේ.
ට්රම්ප් පරිපාලනයේ විදේශ ප්රතිපත්තියේ අතිශය සාපරාධීභාවය, එක්සත් ජනපදය තුළ ආණ්ඩුක්රම ව්යවස්ථාවට සහ ප්රජාතන්ත්රවාදී අයිතිවාසිකම් වලට එරෙහිව කරන යුද්ධයෙන් වෙන් කළ නොහැකි ය. “නීති විරෝධී සංක්රමණිකයන් ” විසින් සමූහ ඡන්දය ප්රකාශ කරන බවට වූ ව්යාජ ප්රකාශ හරහා, 2026 මැතිවරණ වංචා කිරීමට හෝ ඒවා සම්පූර්ණයෙන්ම අත්හිටුවීමට පවා පාලන තන්ත්රය විවෘතව පියවර ගනිමින් සිටී. ඒ සමඟම එහි යුද්ධ, කප්පාදු සහ මර්දන ප්රතිපත්තිවලට විරුද්ධ වන අය සමූහ වශයෙන් වටලනු ලබන බවට තර්ජන නිකුත් කරයි.
ට්රම්ප් තන්ත්රය ආරම්භ කර ඇත්තේ ඔවුන් පුරෝකථනය නොකළ ප්රතිවිපාක සහිත හෝ පාලනය නොකරන යුද්ධයකි. එහි ක්රියාවන්හි උමතුවක අංගයක් ඇත, නමුත් එය පන්ති අවශ්යතා තුළ මුල් බැසගත් උමතුවකි. ඉරානයට එරෙහි යුද්ධය පැන නගින්නේ, ඇමරිකානු අධිරාජ්යවාදයේ මිලිටරි ප්රචණ්ඩත්වය හරහා එහි ආර්ථික පරිහානියට එරෙහිව සටන් කිරීමේ අත්යවශ්යතාවයෙන් මෙහෙයවනු ලබන, දශක ගණනාවක් තිස්සේ වර්ධනය වන එක්සත් ජනපද ආක්රමණකාරිත්වයෙන් ය.
අපරාධකාරී කතිපයාධිකාරයේ මෙහෙයුම් වසා තැබිමෙන් ඉතිරිව තිබූ කිසියම්ම හෝ වැස්මක් ඉරා දමා ඇති, එප්ස්ටීන් හෙළිදරව් කිරීම් මගින් තීව්ර වී ඇති රට තුළ උත්සන්න වන දේශපාලන අර්බුදයකට ට්රම්ප් පරිපාලනය මුහුණ දී සිටී. මෙය අපරාධවල ගිලී සිටින සහ වැඩෙන මහජන කෝපයෙන් තර්ජනයට ලක්ව ඇති රජයක්, එවැනි ආණ්ඩු සැමවිටම කරන ආකාරයටම ප්රතිචාර දක්වයි: එනම්, එය යුද්ධය මගින් ගැලවීම සොයයි.
ඉරාන ජනතාවට, ගිනිගැනීමේ තර්ජනයට ලක්ව ඇති කලාපයට සහ සමස්ත ලෝකයටම, මෙම යුද්ධයේ මූලාරම්භය සහ ප්රතිවිපාක පිළිබඳව චෝදනා පත්ර තබා, ආයතනික මාධ්ය සහ දේශපාලන සංස්ථාපිතය පුරා කිසිදු බැරෑරුම් පැහැදිලි කිරීමක්වත් නොමැත.
ට්රම්ප් බිය වන්නේ ඩිමොක්රටික් පක්ෂයට නොවේ. ඩිමොක්රටික් නායකත්වය දණ ගසා සිටින බවත්, යුද මේසයේ ආසනයක් සදහා පමණක් යදිමින් සිටින බවත් ඔහු හොඳින් දනී. මේ සතියේ, සෙනෙට් සභා සහ නියෝජිත මන්ත්රී මණ්ඩල ඩිමොක්රටිකයන් යුද්ධයට විරුද්ධ බව මවාපාමින්, නමුත් ඇත්ත වශයෙන්ම කිසිවක් නොකරමින්, වෙනම දේශපාලන රංගන දෙකක් ඉදිරියට ගෙනෙමින් සිටිති.
ඉරානයේ ට්රම්ප්ගේ ක්රියාමාර්ග සීමා කරන නීති, යුද බලතල පනත යටතේ සම්පාදනය කිරීම සඳහා සෙනෙට් සභාව ඡන්දය ප්රකාශ කරනු ඇත. එය සම්මත වුවද,–එය බොහෝ විට විය නොහැක්කකි–නොවැළැක්විය හැකි ට්රම්ප්ගේ නිෂේධ බලය ජය ගැනීමට අවශ්ය සීමාවෙන් එය සිදු නොවනු ඇත. නීතියක බලය නොමැති සහ ට්රම්ප්ගේ සාපරාධී යුද්ධයට සුළුම හෝ බාධාවක්වත් නියෝජනය නොකරන ඔවුන්ගේ “යුද විරෝධී” පනත් කෙටුම්පත, හුදු යෝජනාවක් ලෙස ඉදිරිපත් කිරීමෙන් නියෝජිත මන්ත්රී මණ්ඩලයේ ඩිමොක්රටිකයන් මෙම ගැටලුව මඟ හැරියහ.
මෙය යුද්ධයට විරුද්ධත්වයක් නොව සහයෝගීතාවයකි. ඩිමොක්රටික් පක්ෂය වෝල් වීදියේ සහ ඇමරිකානු අධිරාජ්යවාදයේ පක්ෂයකි. එය රිපබ්ලිකන් පක්ෂය සේම එකම පන්ති අවශ්යතා ආරක්ෂා කරන අතර එක්සත් ජනපද මිලිටරිවාදයේ ගෝලීය මෙහෙයුම් සඳහා කැපවී සිටී. එහි ප්රධාන බිය වන්නේ ට්රම්ප්ගේ යුද්ධය සහ ආඥාදායකත්වය නොව, පහළින් ව්යාපාරයක් මතුවීමයි.
තීව්ර වන යුද අර්බුදය, සමාජවාදී සමානතා පක්ෂයේ (එ.ජ) ජාතික කමිටුව විසින් ඊයේ නිකුත් කරන ලද “ඉරානයට එරෙහි සාපරාධී එක්සත් ජනපද-ඊශ්රායල යුද්ධය නවත්වනු!” යන ප්රකාශයේ හදිසිභාවය අවධාරනය කරයි. යුද්ධයට එරෙහි සටන දියත් කළ යුතු පදනම එම ප්රකාශයෙන් ගෙනහැර දැක්වීය:
පළමුව, යුද්ධයට එරෙහි අරගලය, ජනගහනයේ සියලු ප්රගතිශීලී කොටස් එය පිටුපස එක්සත් කරමින් සමාජයේ මහා විප්ලවවාදී බලවේගය වන කම්කරු පන්තිය මත පදනම් කළ යුතුය.
දෙවනුව, නව යුද විරෝධී ව්යාපාරය ධනවාදී විරෝධී සහ සමාජවාදී විය යුතුය; මන්ද, මූල්ය ප්රාග්ධනයේ ආඥාදායකත්වය සහ මිලිටරිවාදයේ සහ යුද්ධයේ මූලික හේතුව වන ආර්ථික ක්රමය අවසන් කිරීමේ සටනකින් තොරව යුද්ධයට එරෙහි බරපතල අරගලයක් තිබිය නොහැකි බැවිනි.
තෙවනුව, නව යුද විරෝධී ව්යාපාරය ධනේශ්වර පන්තියේ සියලුම දේශපාලන පක්ෂ සහ සංවිධානවලට සතුරු වන අතර, ඒවායින් සම්පූර්ණයෙන්ම සහ නිසැකවම ස්වාධීන විය යුතුය.
හතරවනුව, නව යුද විරෝධී ව්යාපාරය, සියල්ලටත් වඩා, ජාත්යන්තර විය යුතු අතර, අධිරාජ්යවාදයට එරෙහි ඒකාබද්ධ ගෝලීය අරගලයක් තුළ කම්කරු පන්තියේ දැවැන්ත බලය බලමුලු ගැන්විය යුතුය.
මෙම සාපරාධී යුද්ධයට සහ මැදපෙරදිගට එල්ල කරන සමස්ත ඇමරිකානු-ඊශ්රායල ප්රහාරයට එරෙහිව බලමුලු ගැන්වෙන ලෙස අපි කම්කරුවන්ගෙන් සහ තරුණයින්ගෙන් ඉල්ලා සිටිමු. කර්මාන්තශාලා, වරායන්, සැපයුම් මධ්යස්ථාන, පාසල් සහ රෝහල්, සාකච්ඡා සහ සංවිධානාත්මක ප්රතිරෝධයේ මධ්යස්ථාන බවට පත්විය යුතුය. මෙම යුද්ධය වහාම අවසන් කරන ලෙස ඉල්ලා රැස්වීම් කැඳවිය යුතුය. මෙම ආක්රමණය යුක්ති සහගත කරන බොරු හෙළිදරව් කළ යුතුය. විරුද්ධත්වය නිහඬ කිරීමට ගන්නා සෑම උත්සාහයක්ම ප්රතික්ෂේප කළ යුතුය. යුද්ධයට සහ ආඥාදායකත්වයට එරෙහිව ජාත්යන්තර සමාජවාදී වැඩපිළිවෙලක් සඳහා සටනට උර දිය යුතුය.
