මෙහි පළවන්නේ අප වෙබ් අඩවියේ සංස්කාරක සංජය ජයසේකර සහෝදරයා ඉදිරිපත් කරන භූ-දේශපාලන විවරණයකි. එය ඔහුගේ YouTube නාලිකාවේ ප්රසිද්ධ කර ඇත. පහත හැඳින්වීම එමගින් උපුටා ගෙන ඇත:
2026 පෙබරවාරි 28 වෙනිදා ඇමරිකානු අධිරාජ්යවාදය (US imperialism) ඉරානයට (Iran) එරෙහිව පටන් ගත්ත මේ සාපරාධී යුද්ධය නිසා මුළු ලෝකයම දරුණු සමාජ ඒ වගේම ආර්ථික ව්යසනයකට මුහුණ දීලා තියෙන හැටි මේ වීඩියෝ එකෙන් විග්රහ කරනවා. ලෝක සමාජවාදී වෙබ් අඩවියේ කරපු විද්යාත්මක වාර්තා මෙන්ම වෙනත් මූලාශ්ර ඇසුරෙන් තමයි මේ විවරණය ඉදිරිපත් කරලා තියෙන්නෙ.
මේ වීඩියෝ එකෙන් ඔයාට බලන්න පුළුවන්:
- හෝමූස් සමුද්ර සන්ධිය (Strait of Hormuz) වහලා දාපු එකෙන් ලෝක තෙල් මිලට වුණ බලපෑම ඒ වගේම වෙළඳපොළ බිඳවැටීම (market reckoning).
- පොහොර මිල වැඩි වීම නිසා අප්රිකානු මහද්වීපයට වෙලා තියෙන දරුණු බලපෑම.
- ශ්රී ලංකාවේ අනුර කුමාර දිසානායකගේ JVP/NPP ආණ්ඩුව IMF කප්පාදු වැඩපිළිවෙල හරහා යුද්ධයේ බර කම්කරුවන් මත පටවන හැටි.
- ඉන්දියාවේ මෝදි ආණ්ඩුව ඇමරිකානු අධිරාජ්යවාදයේ “කණිෂ්ඨ හවුල්කරුවෙක්” විදිහට වැඩ කරමින් IRIS Dena නැව ගිල්වන්න හවුල් වුණ හැටි.
- ට්රම්ප් පාලන තන්ත්රය ඇමරිකාව ඇතුළෙ කම්කරු පන්තියට එරෙහිව කරන ප්රහාරය.
යුද්ධය කියන්නනෙ ඓතිහාසික සන්තිතියෙ උත්පප්රේරකයක් හා ත්වරකයක් කියන ලියොන් ට්රොට්ස්කිගේ අදහස අද ලෝකයට කොච්චර ගැලපෙනවද කියලා මෙතනදි පැහැදිලි කරනවා. ධනවාදී ක්රමය ඇතුළෙ මේ විනාශය නතර කරන්න බැහැ. ඒ නිසා ජාත්යන්තර සමාජවාදය මත පදනම් වුණ ස්වාධීන කම්කරු ව්යාපාරයක් ගොඩනැගීම ගැන මෙතනදි කතා කරනවා.
