lead article

gaza-burial mounds

අධිරාජ්‍යවාදී පිටුබලය ලත් ගාසා තීරයේ  ඊශ්‍රායල් සමූල ජන ඝාතනය: ලැන්සෙට් වෛද්‍ය සඟරාව පලස්තීන මරන සංඛ්‍යාව 186,000ක් ලෙස ගනන් බලයි

ජෝර්ඩන් ෂිල්ටන් විසිනි

 මෙහි පලවන්නේ ලෝක සමාජවාදී වෙබ් අඩවියේ 2024 ජූලි 9 දින ඉංග්‍රීසි බසින් පල වූ, ‘Imperialist-backed Israeli mass murder in Gaza: Lancet medical journal estimates Palestinian death toll at 186,000’ යන ශීර්ෂය යටතේ ජෝර්ඩන් ෂිල්ටන්විසින් ලියන ලද ලිපියේ සිංහල පරිවර්තනය යි. පරිවර්තනය සුනිල් ප්‍රනාන්දු  විසිනි.

සම-සමාලෝචනය කරන ලද ලැන්සෙට් (Lancet ) වෛද්‍ය සඟරාවේ විශ්ලේෂනයකට අනුව, ඊශ්‍රායල පාලන තන්ත්‍රය ගාසා තීරයේ පලස්තීනුවන්ට එරෙහිව මාස නවයක ජන සංහාරයේදී මිනිසුන් 186,000ක් මරා දමා ඇත, එය සංගත මාධ්‍යවල ප්‍රසිද්ධියට පත් වූ මුලු ප්‍රමානයට වඩා බෙහෙවින් වැඩි ය.

gaza-burial mounds
පලස්තීන දරුවෙක් 2023 දෙසැම්බර් 31 ඉරිදා, ගාසා තීරයේ ඊශ්‍රායල බෝම්බ ප්‍රහාරයෙන් මිය ගොස් ගාසා නගරයේ ෂිෆා රෝහල් භූමිය තුල වලලනු ලැබූ මිනිසුන්ගේ සොහොන් දෙස බලයි [AP Photo/Mohammed Hajjar]

බිහිසුනු සංඛ්‍යාලේඛනයෙන් අදහස් කරන්නේ, ප්‍රදේශයේ යුද-පූර්ව  ජනගහනයෙන් සියයට 8 ක් පමන ගුවන් බෝම්බ ප්‍රහාරවලින් මරා දැමීමට, සාගින්නෙන් මිය යෑමට හෝ මූලික වෛද්‍ය ප්‍රතිකාර නොමැතිකම හේතුවෙන් රෝග හෝ නිදන්ගත සෞඛ්‍ය ගැටලුවලට ගොදුරු වී ඇති බවයි.

මහජන සෞඛ්‍ය විද්‍යාඥයින් විසින් භාවිතා කරන ලද ගතානුගතික ක්‍රමවේදයක් මත පදනම් වූ මරන සංඛ්‍යාව, ගාසා ජන සංහාරය හා එය නිෂ්පාදනය කර ඇති  ම්ලේච්ඡ ධනේශ්වර පද්ධතියට නැවතීමේ තිත තැබීම සදහා  ගෝලීය යුද විරෝධී ව්‍යාපාරයක ප්‍රධානත්වයෙන් ජාත්‍යන්තර කම්කරු පන්තිය මැදිහත් වීමේ හදිසි අවශ්‍යතාවය යලිත් අවධාරනය කරයි. .

වාර්තාවේ ඇඟ සීතල කරවන ඇස්තමේන්තුව එහි ආරම්භක ලක්ෂ්‍යය ලෙස ගෙන ඇත්තේ අධ්‍යයනය සකස් කරන අවස්ථාවේ ගාසා හි සෞඛ්‍ය අමාත්‍යාංශය විසින් වාර්තා කරන ලද නිල මරන සංඛ්‍යාව වන 37,396 වේ. මෙම සංඛ්‍යාව නිසැකවම දැවැන්ත අඩු ගනනය කිරීමක් බව එය සඳහන් කලේය. එක්සත් ජාතීන්ගේ සංවිධානය විසින් ඇස්තමේන්තු කර ඇති පරිදි ගාසා තීරයේ සියලුම ගොඩනැගිලිවලින් සියයට 35ක් පෙබරවාරි මාසය අවසන් වන විට විනාශ වී ඇති අතර, අවම වශයෙන් මල සිරුරු 10,000 ක් සුන්බුන් යට වැලලී ඇති නමුත් ලැන්සෙට් අධ්‍යයනයට ඇතුලත් කර නොමැත.

අධ්‍යයනයට අනුව, “මෑත ගැටුම්” වලදී වක්‍ර මරන සංඛ්‍යාව සාමාන්‍යයෙන් මුලු සෘජු මරන සංඛ්‍යාව මෙන් තුනේ සිට 15 ගුනයක් දක්වා පරාසයක පවතී. සෑම සෘජු මරනයක් සඳහාම වක්‍ර මරන හතරක් යන පහල අන්තයේ සූත්‍රය ගාසා ජන සංහාරයට අදාල කරමින් වාර්තාව දල වශයෙන් වින්දිතයන් 186,000 ක් පිලිබඳ එහි බිහිසුනු නිගමනයට පැමින ඇත.

ගාසා තීරයට හෙලන ලද දැවැන්ත බෝම්බ ප්‍රමානය සහ අන්ත අසරන ජනගහනයට ආහාර, වෛද්‍ය සැපයුම්, ඉන්ධන සහ අනෙකුත් මූලික අවශ්‍යතා ප්‍රතික්ෂේප කිරීමේ ඊශ්‍රායල ආන්ඩුවේ ම්ලේච්ඡ ප්‍රතිපත්තිය සැලකිල්ලට ගෙන, වක්‍ර මරන අනුපාතය බෙහෙවින් වැඩි විය හැකිය. එබැවින් මරන සංඛ්‍යාව ලැන්සෙට් ඇස්තමේන්තුවට වඩා දස දහස් ගනනක් හෝ සිය දහස් ගනනක් විය හැකිය. ලැන්සෙට් විසින් උපුටා දක්වන ලද “මෑත ගැටුම්” පරාසය තුල ම වන සෑම සෘජු මරනයකටම වක්‍ර මරන 10ක අනුපාතයක්,  මරන 400,000 කට වඩා වැඩි යැයි ඇස්තමේන්තු කරනු ඇත.

මෙම පරිමානයෙන් සමූහ මරන පිලිබඳ සංසන්දනාත්මක උදාහරන සොයා ගැනීමට, ඉතිහාසයේ වඩාත්ම කුරිරු පාලන තන්ත්‍රවල අපරාධ සිහිපත් කිරීම අවශ්‍ය වේ. යුරෝපයේ යුදෙව්වන් සමූලඝාතනය කිරීම සහ ජර්මානු අධිරාජ්‍යවාදය සඳහා “ලෙබෙන්ස්‍රාම්” (lebensraum- ප්‍රසාරනය සඳහා ඉඩ හසර ලබා ගැනීම) නිර්මානය කිරීම අරමුනු කරගත් පූර්ව සැලසුම් කල ආක්‍රමනකාරී ව්‍යාපාරය වූ සෝවියට් සංගමයට එරෙහි නාසීන්ගේ සමූලඝාතන යුද්ධය අතරතුර, යුදෙව්වන් සමූලඝාතනය කිරීමේ වගකීම පැවරූ Waffen-SS Einsatzgruppen විසින් පලමු මාස ​​හය තුල ඇස්තමේන්තුගත 500,000ක් ඝාතනය කලේය.

එක්සත් ජනපදය, ජර්මනිය සහ අනෙකුත් අධිරාජ්‍යවාදී බලවතුන්ගේ අධි බලැති අවි අඛන්ඩව ගලා ඒමට ස්තුතිවන්ත වන්නට ඊශ්‍රායලයට පලස්තීනුවන් මෙතරම් පරිමානයෙන් මරා දැමීමට සහ ආබාධිත කිරීමට සහ ගාසා තීරයේ යටිතල පහසුකම් මකා දැමීමට හැකි වී තිබේ. රාත්තල් 2000ක බෝම්බ 14,000ක් පමන මෙයට ඇතුලත් වන අතර, ඉන් එකක් ගොඩනැගිලි කිහිපයක් සමතලා කිරීමට ප්‍රමානවත් වේ. රෝහල් සහ ප්‍රාථමික සෞඛ්‍ය පහසුකම් ඉලක්ක කර ගැනීම සහ ජල පිරිපහදු කිරීම, අපද්‍රව්‍ය සහ අනෙකුත් මූලික යටිතල පහසුකම් විනාශ කිරීම මගින් වක්‍ර මරන සංඛ්‍යාව අවිවාදිත ලෙස ඉහල ගොස් ඇත. එක්සත් ජාතීන්ගේ සංවිධානයට අනුව, ගාසා තීරයේ රෝහල්වලින් තුනෙන් එකක් සහ ප්‍රාථමික සෞඛ්‍ය පහසුකම්වලින් සියයට 30ක් පමනක් යම් ප්‍රමානයකට ක්‍රියාත්මක වේ.

පලස්තීනුවන්ට ආහාර, ජලය සහ අනෙකුත් ආධාර හිතාමතාම ප්‍රතික්ෂේප කිරීම බොහෝ දහස් ගනනක් සාගින්නෙන් මන්දගාමී මරනයට නිරාවරනය කර ඇත. සාගින්න මට්ටම් පිලිබඳ එක්සත් ජාතීන්ගේ අනුග්‍රහය ලත් නවතම ඒකාබද්ධ ආහාර අදියර වර්ගීකරන වාර්තාවේ, ජාත්‍යන්තර විශේෂඥයින් සොයා ගත්තේ ගාසා වැසියන් පස් දෙනෙකුගෙන් එක් අයෙකුට වඩා “දින ගනන් ආහාර නොගෙන සිටින” අතර “ව්‍යසනකාරී” ආහාර අනාරක්ෂිත මට්ටම්වලට මුහුන දෙන බවයි. ජනගහනයෙන් අඩකට වඩා වැඩි පිරිසකට නිවසේ කෑමට ආහාර නොමැති අතර, සියයට 96ක්  IPC හි පස්-අදියර පරිමානයේ 3 වන අදියර වන “අර්බුද” මට්ටම්වල ආහාර අනාරක්ෂිතභාවයට මුහුන දෙති.

මනුෂ්‍යත්වයට එරෙහි මෙම අපරාධ සිදු කරනු ලබන්නේ අන්ත දක්ෂිනාංශික සියොන්වාදී තන්ත්‍රය විසින් සිදු කරන හැඟීම් විරහිත  ගනන් බැලීමෙනි. කෙසේ වෙතත්, අගමැති බෙන්ජමින් නෙතන්යාහුට සහ ඔහුගේ ෆැසිස්ට් තන්ත්‍රයට ඔවුන් කරන ආකාරයටම කටයුතු කල හැක්කේ ඔවුන් අධිරාජ්‍යවාදී බලවතුන්ගේ කොන්දේසි විරහිත සහයෝගය භුක්ති විඳින නිසා පමනි.

එක්සත් ජනපද ජනාධිපති බයිඩන්, ජර්මානු චාන්සලර් ෂෝල්ස් සහ අනෙකුත් අධිරාජ්‍යවාදී නායකයින් ඊශ්‍රායලයේ යුද්ධායුධ ගබඩාව මුදල් මගින් මිලදී ගත හැකි අතීශය විනාශකාරීම ආයුධවලින් පිරී ඇති බව සහතික කර ඇතිවා පමනක් නොවේ, ඔවුන් යුදෙව්-විරෝධීන්  ලෙස අපකීර්තිමත් අයුරින් ගර්හා  කල බොහෝ යුදෙව්වන් ඇතුලු, සමුල ජන සංහාරයේ සියලුම විරුද්ධවාදීන් නිශ්ශබ්ද කිරීම සඳහා පුලුල් මර්දනයක් දියත් කර ඇත.

එම දේශපාලන නායකයන් සහ  ඔවුන් විසින් මුදලින් මිලට ගෙන ඇති සංගත මාධ්‍යයන්හි ඔවුන්ගේ  හොරනෑ, ඊශ්‍රායලයේ යුද අපරාධවල පරිමානය වසන් කිරීමට සහ යුක්ති සහගත කිරීමට වෙහෙස නොබලා වැඩ කර ඇත. ඔක්තෝම්බර් මස අගදී, ඊශ්‍රායල ප්‍රහාරයෙන් සති තුනකට අඩු කාලයකින් පසු නිල මරන සංඛ්‍යාව 6,500ක් ලෙස ගාසා සෞඛ්‍ය අමාත්‍යාංශය විසින් ලබා දුන් විට, “පලස්තීනුවන් භාවිතා කරන සංඛ්‍යාව පිලිබඳව තමාට විශ්වාසයක් නොමැති” බව බයිඩන් ප්‍රකාශ කලේය. අලුතින් තේරී පත් වූ බ්‍රිතාන්‍ය අගමැති කීර් ස්ටාර්මර් පසුගිය වසරේ ගුවන් විදුලි සම්මුඛ සාකච්ඡාවකදී කුප්‍රකට ලෙස ප්‍රකාශ කලේ “ආත්‍ම ආරක්‍ෂාවේ” නාමයෙන් ගාසා තීරයට විදුලිය, ජලය, ඉන්ධන, වෛද්‍ය සහ ආහාර සැපයුම් කපා හැරීමට ඊශ්‍රායලයට “අයිතිය” ඇති බවයි.

ඔවුන්ගේ ඉලක්කය වී ඇත්තේ පසුගිය සියවසේ අධිරාජ්‍යවාදී ලෝක යුද්ධ හා සැසඳිය හැකි පරිමානයෙන් මරනය හා විනාශය සාමාන්‍යකරනය කිරීමයි. ධනවාදයේ සමහන් නොකල හැකි ප්‍රතිඝතිකතා, වෙලඳපොලවල්, අමුද්‍රව්‍ය සහ සූරාකෑම සඳහා ශ්‍රම සංචිතවල තම පාලනය සුරක්ෂිත කර ගැනීම සඳහා ලෝකය නැවත බෙදීමක නිරත වීමට ඇමරිකානු සහ යුරෝපීය අධිරාජ්‍යවාදය පොලඹවන බැවින්, ඔවුන් තම ආර්ථික හා භූ දේශපාලනික අවශ්‍යතා ලුහුබැඳීම සම්බන්ධයෙන් කිසිදු බාධාවක් නොඉවසනු ඇත.

ගෝලීයකරනය වූ ආර්ථිකය සහ ලෝකය ජාතික රාජ්‍යවලට බෙදීම අතර සහ නිෂ්පාදන මාධ්‍යවල පුද්ගලික හිමිකාරිත්වය සහ එහි සමාජ ස්වභාවය අතර ප්‍රතිවිරෝධතා, සෑම අධිරාජ්‍යවාදී රටකම පාලක ප්‍රභූන්ට, එකිනෙකාට එරෙහිව සහ ලොව පුරා කම්කරු පන්තියට එරෙහිව, යුද්ධය මගින් “ඔවුන්ගේ” ධනේශ්වර පන්තියේ අවශ්‍යතා ඉටු කිරීමට බල කරයි.

එලෙසම, එක්සත් ජනපදය, ජර්මානු, බ්‍රිතාන්‍ය සහ ප්‍රන්ස අධිරාජ්‍යවාදය ද, රුසියාව අර්ධ යටත් විජිතයක් කර ගැනීම සහ එහි ස්වභාවික සම්පත් කොල්ලකෑම සඳහා, ඔවුන්ගේ අතිමහත් බහුතරය තරුනයන් වූ   යුක්‍රේනියානුවන් 500,000 කගේ සහ රුසියානුවන් දස දහස් ගනනකගේ ජීවිත බිලිගත්, රුසියාවට එරෙහි යුක්‍රේනයේ යුධගිනි මැලයට ඉන්ධන සපයා ඇත. ඔවුන් ආසියා පැසිෆික් කලාපයේ චීනය සමග යුද්ධයට ද ඊට  නොඅඩු ආක්‍රමනශීලී ලෙස සූදානම් වෙමින් සිටිති. මෙම ගැටුම් මානව ශිෂ්ටාචාරයේ අවසානය සනිටුහන් කල හැකි මහා න්‍යෂ්ටික ගිනිමැලයක් දක්වා සර්පිලාකාරව වර්ධනය වීමේ අනතුර ඔවුන් වැලඳ ගනියි.

අද සිට, බයිඩන් වොෂින්ටනයේ ඔහුගේ සෙසු අධිරාජ්‍යවාදී යුධකාමීන් සමග නේටෝ සමුලුව පවත්වනු ඇත. ඉදිරි දින තුන තුල, ගැටුම නේටෝව සහ රුසියාව අතර සෘජු යුද්ධයක් බවට පත් වීම සහතික කරමින්, නේටෝ භූමි භටයන් යෙදවීමේ  පදනම මත, අවදානම්කාරී ලෙස යුක්‍රේනයේ යුද්ධය උත්සන්න කිරීමේ  සැලසුම්  ඔවුන්  අවසන් කරනු ඇත. අධිරාජ්‍යවාදී බලවතුන් එමගින් පැහැදිලි කරන්නේ ඔවුන්ගේ කොල්ලකාරී අවශ්‍යතා මගින් නියම කරන ඕනෑම තැනක ගාසා තීරයේ මරන හා විනාශයේ මට්ටම් පිලිගැනීමට තමන් සූදානම් බවයි.

නේටෝ සමුලුවෙන් සති දෙකකට පසුව, ගාසාවේ පලස්තීන ප්‍රශ්නයේ “අවසාන විසඳුම” පිලිබඳ කොන්ග්‍රසයේ ඩිමොක්‍රටික් සහ රිපබ්ලිකානුවන්ට ප්‍රගති වාර්තාවක් සැපයීමට නෙතන්යාහු වොෂින්ටනයට පැමිනෙනු ඇත. ඉරානය ඉලක්ක කර ගනිමින් බලශක්තියෙන් පොහොසත් මැද පෙරදිග මත තම ආධිපත්‍යය තහවුරු කර ගැනීම සඳහා කලාපය පුරා යුද්ධයක් සූදානම් කිරීමේ කොටසක් ලෙස එක්සත් ජනපද අධිරාජ්‍යවාදය සමුල ජන සංහාරයට දක්වන වැදගත්කම අවධාරනය කිරීමට ඔහුට ද්විපාර්ශ්වික ආරාධනයක් ලබා දෙන ලදී.

ලෝක සමාජවාදී වෙබ් අඩවිය සහ සමාජවාදී සමානතා පක්ෂය ජූලි 24 දා වොෂින්ටනයේ පෙලපාලියක් සහ මහජන රැස්වීමක් කැඳවයි. මෙම පෙලපාලියේ අරමුන බයිඩන්, නෙතන්යාහු සහ ඔවුන්ගේ සෙසු යුද අපරාධකරුවන්ට ගමන් මග වෙනස් කරන ලෙස ආයාචනා කිරීම නොවේ. ඒ වෙනුවට, එය ජන සංහාරයට සහ තුන්වන ලෝක යුද්ධයක් වර්ධනය කිරීමට විරුද්ධ වීමේ එකම යථාර්ථවාදී මාර්ගය ඉදිරිපත් කරන කම්කරු පන්තිය තුල ජාත්‍යන්තර යුද විරෝධී ව්‍යාපාරයක් ගොඩනැගීම සඳහා පදනම දමනු ඇත. පහත සඳහන් මූලධර්ම මත උද්ඝෝෂනය සංවිධානය කෙරේ.

පලමුව, යුද්ධයට එරෙහි අරගලයට ඩිමොක්‍රටික් සහ රිපබ්ලිකන් යන සංගත(වාදී) පක්ෂ දෙකෙන් කොන්දේසි විරහිත හා ආපසු හැරවිය නොහැකි බිඳීමක් අවශ්‍ය වේ.

දෙවනුව,  සමූල ජන සංහාරයට සහ යුද්ධයට එරෙහි ව්‍යාපාරය ජාත්‍යන්තර විය යුතු අතර, සෑම රටකම සහ සෑම මහාද්වීපයකම කම්කරුවන් ඔවුන්ගේ පොදු පන්ති අවශ්‍යතා මත එක්සත් කල යුතුය.

තෙවනුව, යුද්ධයේ මූලික හේතුව වන මූල්‍ය ප්‍රාග්ධනයේ ආඥාදායකත්වය සහ ආර්ථික ක්‍රමය අවසන් කිරීමේ සටන හැර යුද්ධයට එරෙහි බරපතල අරගලයක් තිබිය නොහැකි බැවින් යුද්ධයට එරෙහි සටන ධනේශ්වර විරෝධී හා සමාජවාදී විය යුතුය.

මෙම මූලධර්මවලට එකඟ වන සියලුම කම්කරුවන් සහ තරුනයින් ජූලි 24 වෙනිදා වොෂින්ටනයේදී අප හා එක්වන ලෙස අපි තරයේ දිරිමත් කරමු.

අධිරාජ්‍යවාදී පිටුබලය ලත් ගාසා තීරයේ  ඊශ්‍රායල් සමූල ජන ඝාතනය: ලැන්සෙට් වෛද්‍ය සඟරාව පලස්තීන මරන සංඛ්‍යාව 186,000ක් ලෙස ගනන් බලයි Read More »

දස දහස් ගණනින් කොටුවට පැමිණි ගුරු විදුහල්පතිවරු

වැටුප්, දීමනා ලබා නොදීමේ ආන්ඩුවේ පියවර හා කම්කරු අරගල

එල්. පී. උදයප්‍රේම  විසිනි.

මේ වසර  ආරම්භයේ සිට පැන නැගුනු කම්කරු විරෝධතා හා වැඩ වර්ජන දිනපතා වර්ධනය වෙමින් පවතී. මාස දෙකකට ආසන්න වෙමින් පවතින විශ්ව විද්‍යාල අනධ්‍යන සේවක වර්ජනය හා දුම්රිය, ගුරු, තැපැල් ඇතුලු පිපිරී එන අවශේෂ අරගලයන් මගින් පෙන්වනු ලබන්නේ, ආන්ඩුවේ සමාජ ප්‍රතිවිප්ලවීය ප්‍රහාරයන්ට එරෙහි ව කම්කරු පංතියෙන් පැන නැගෙන බරපතල ප්‍රතිවිරෝධය යි.

දිවයින අලලා වැඩෙන්නේ වැටුප්, දීමනා රැක ගැනීමේ අරගලයකි. ආන්ඩුව හා ජාත්‍යන්තර මූල්‍ය අරමුදල ක්‍රියාවට දමන මෘග ආර්ථික සැලසුම් හා ආහාර ඇතුලු අත්‍යාවශ්‍ය ද්‍රව්‍ය මිල පිම්මේ  ඉහල යෑමෙන් ඇති කෙරෙන රුදුරු කොන්දේසි එකී අරගලය වඩාත් තීව්‍ර කරයි.

පැන නැගී ඇති වැඩි වැටුප් හා දීමනා සඳහා වූ අරගලය ආන්ඩුවේ ආර්ථික සැලසුම් සමග කෙලින් ම ගැටෙන බව  දන්නා ආන්ඩුවේ ප්‍රතිචාරය වී ඇත්තේ, රාජ්‍ය සේවයේ සියලුම අංශයන්හී වැටුප් වැඩි කිරීමක් හෝ දීමනා ලබා දීමක් සිදු නො කරන බව කල් තියා ප්‍රකාශයට පත් කිරීම ය. එය පංති යුද්ධය නිවේදනය කිරීමකි.

දස දහස් ගණනින් කොටුවට පැමිණි ගුරු විදුහල්පතිවරු
දස දහස් ගණනින් කොටුවට පැමිණි ගුරු විදුහල්පතිවරු

දිගු කාලයක් ඇදී යන, අනධ්‍යන සේවක වර්ජනය සම්බන්ධයෙන් ජනාධිපතිගේ උපදෙස් මත, අධ්‍යාපන අමාත්‍යාංශ ලේකම් තිලකා ජයසුන්දර පසුගිය 12දා,  වැටුප් වැඩිවීමක් සිදු නො වන බවට අධ්‍යාපන ප්‍රතිපාදන කොමිසමට දන්වා එවා ඇති ලිපියෙන් එය වඩාත් තහවුරු වේ. එය ආන්ඩුවේ මැති ඇමතියන් රෑ දවල් ජප කල ප්‍රකාශයට නිල මුද්‍රාව තැබීමකි.

වැටුප් වැඩිවීම් හා දීමනා ලබා නො දීමට ආන්ඩුව ගත් තීන්දුව කෙරෙහි වැඩ කරන ජනයා අතර බලගතු විරෝධයක් ජනනය කෙරෙන බව දන්නා ආන්ඩුව, වැඩ වර්ජන හා විරෝධතා වැලක්වීමට “විශේෂඥ කමිටුව” නමින් ප්‍රජාතන්ත්‍ර විරෝධී යාන්ත්‍රනයක් ප්‍රකාශයට පත් කර ඇත. 

වර්ජන හා විරෝධතා මගින් සේවකයන් ඉදිරිපත් කල සියලුම ඉල්ලීම් ජනාධිපතිවරයා විසින් අටවා ඇති  “විශේෂඥ කමිටුව”ට ඉදිරිපත් කල යුතු ය. විසඳුම් ලබා දීමට රජය සලකා බලන්නේ එකී ඉල්ලීම් පිලිබඳ මෙම ‘විශේෂඥ‘  කමිටුවේ නිර්දේශයන්ට අනුව මිස කම්කරු වෘත්තීය සමිතිවල ඉල්ලීම් උඩ නො වේ.

කම්කරු පංතියට රහසින්, ධනපති පාර්ලිමේන්තුවේ ද අනුමැතියකින් තොරව, හිටපු ජනාධිපති ලේකම්වරයකු වූ උදය සෙනෙවිරත්න නැමැත්තෙකුගේ සභාපතිත්වයෙන් හා තවත් ආන්ඩු ගැති නිලධාරීන් 4 දෙනෙකුගෙන් සැදුම් ලත් උක්ත කමිටුව ජුනි 11දා ජනාධිපතිවරයා විසින් අටවා ගැනුනකි. ඒ කමිටුවට මුවා වී ජනාධිපතිවරයා  මාන බලන්නේ, තම  ඉල්ලීම් පිලිබඳ ව ආන්ඩුවට හා බලධාරීන්ට බලපෑම් කිරීමට, තීරන වෙනස් කරවීමට කම්කරු පංතියට පවතින ප්‍රජාතන්ත්‍රීය අයිතිය උදුරා ගැනීමට බව පැහැදිලි ය.

එහි එල්ලය වන්නේ, ආන්ඩුවේ කම්කරු විරෝධී සැලසුම්වලට එරෙහි ව පැන නැගී එන කම්කරු පංතියේ  ප්‍රතිවිරෝධය උපන් ගෙයිම වලලා දැමීම යි. වර්ජන, අරගල නවතා ආන්ඩුව අටවා ඇති “විශේෂඥ කමිටුවට” යටත් වන ලෙස ආන්ඩුව කම්කරුවන්ට බල  කරන්නේ එබැවිනි.

වැටුප් ඇතුලු අයිතීන් රැක ගැනීමේ අරගලයේ නියැලී සිටින  වැඩ කරන ජනයා,  ආන්ඩුවේ  ප්‍රජාතන්ත්‍ර විරෝධී, ප්‍රකෝපකාරි ඉහත  පියවරයන් දැඩිව  ප්‍රතික්ෂේප කල යුතු ය. තම යුක්තියුක්ත ඉල්ලීම් දිනා ගැනීමට ඇති අයිතිය පැහැර ගැනීමට හෝ කම්කරු පංතිය දිනාගෙන ඇති ප්‍රජාතන්ත්‍රීය අයිතීන් උදුරා ගැනීමට ආන්ඩුවට ඉඩ නො දිය යුතු ය. විශේෂඥ කමිටු උගුල  ප්‍රතික්ෂේප කිරීම ඒ සඳහා ගත යුතු මූලික පියවරකි.   

ප්‍රජාතන්ත්‍රවාදී අයිතීන් තහනම් කිරීමට අර අඳින මෙබඳු  ප්‍රකෝපකාරී ක්‍රියා කම්කරු පංතියට අලුත් දේවල් නො වේ. වික්‍රමසිංහමත් ඇමතිකම් දැරූ 1977 එක්සත් ජාතික පක්ෂයේ ආන්ඩුවෙන් ද, සෙසු ආන්ඩුවලින් ද මේ දක්වාමත් අත් හදා බැලෙමින් පවතිනුයේ කම්කරු විරෝධී ක්‍රියාවන් ය.

අද ඒවා වඩාත් රුදුරු ලෙස ක්‍රියාවට දැමීමට ධනපති ආන්ඩු හැරී සිටින්නේ කම්කරු පංතියේ සකලවිධ උරුමය උදුරා ගැනීමෙන් තොරව තම පැවැත්ම රැක ගත නොහැකි බව ධනපති ආන්ඩු ඒත්තු ගෙන සිටින බැවිනි. වැඩ වර්ජන, විරෝධතා මැඬිමට පොලිසි හා කැරලි මර්දන ඒකක නිරන්තරයෙන් උසි ගැන්වීම වශයෙන් ද, අධිකරන තහනම් නියෝගයන්ට කම්කරු උද්ඝෝෂන යටත් කිරීම් වශයෙන් ද, චක්‍ර ලේඛන ඇතුලු විවිධ අනපනත් අලුතින් පනගන්වමින්  සටන්කාමීන් දඩයම් කිරීම් වශයෙන් ද මෙකී වැඩ පිලිවෙල දැනටමත් දියත් කර ඇත. ඊනීයා විශේෂඥ කමිටුව එහි දිගුවකි.

වෘත්තීය සමිතිවල ක්‍රියා කලාපය

වැටුප් වැඩිවීම් හා දීමනා ලබා දීමට නො හැකි යැයි  නිල ප්‍රකාශයක් කරමින් ද වැඩ වර්ජන “විශේෂඥ කමිටුව”ට යටත් කිරීමට කටයුතු කරමින් ද ජනාධිපතිවරයා ගෙන ඇති  පියවරට වෘත්තීය සමිති, සන්ධාන හා පෙරමුනු හුදු විරෝධතාවක්වත් දක්වා නැත. වැටුප් වැඩිවීම්, දීමනා ලබා දීමට නො හැකි ය යන ආන්ඩුවේ නිල ප්‍රකාශය වසාලමින් සමිති නායකයන් තොරොම්බල්  කරන්නේ ආන්ඩුවෙන් ඉල්ලීම් ලබා ගත හැකි බව යි. නොබෝදා,  ගුරු -විදුහල්පති වෘත්තීය සමිති සන්ධානයේ නායකයකු වන, ලංකා ගුරු සංගමයේ ලේකම් ජෝසප් ස්ටැලින්, “අමාත්‍යාංශය  දීමනාව ලබා දෙන බවට පොරොන්දු වී තිබේ”යැයි කල ප්‍රකාශය ඊට කදිම උදාහරනයකි . අමාත්‍යාංශය ඉටු නො කල මේ පොරොන්දුව “ලබා දෙන බවට” ස්ටැලින්  දශක දෙකකට වඩා වැඩි කාලයක් තම සාමාජිකයන්ට ම වමාරා ඇති බව  ඔහුට  අමතකවීමෙන් පෙන්නුම් කරන්නේ ඔහුගේ නිර්ලජ්ජිත ධනපති ගැති කමයි. ඊට බිංදු මාත්‍රයකින් වෙනස් නැති බව අනධ්‍යන, ගුරු විදුහල්පති, දුම්රිය, තැපැල් අරගල දශක දෙක තුන යට ගසා සිටීමෙන් සමිති නායකත්වය ඔප්පු  කර ඇත.

ආන්ඩුවේ හා වෘත්තීය සමිතිවල අවශ්‍යතාවන්ට සපුරාම පටහැනිව කම්කරු පංතියේ අව්‍යාජ අරගල පුපුරා යන්නට පටන් ගෙන ඇත්තේ සිය අයිතීන් රැක ගැනීමේ එල්ලයෙනි. මැයි හා ජුනි මස තුල පැන නැගුනු කම්කරු අරගල පෙන්වන්නේ ඒ වෛෂයික සත්‍යය යි.

ජුනි 21දා ට විශ්ව විද්‍යාල අනධ්‍යන සේවක වර්ජනයට දින 50ක් පිරීම වර්ජන රැල්ල තුල ම කැපී පෙනෙන සංසිද්ධියකි.

වැටුප් දීමනා වැඩි කිරීමක් සිදු නොවන බවට ජූනි 12 දා ආන්ඩුව  සිදු කල තර්ජනාත්මක ප්‍රකාශය මධ්‍යයේ අනධ්‍යන සේවකයන්ගේ ප්‍රති උත්තරය වී ඇත්තේ තම අරගලය තීව්‍ර කිරීමයි. ඉල්ලීම්  ලබා නොදෙන ආන්ඩුවට අභියෝග කරමින්, විශ්ව විද්‍යාල මූලික කොට ගනිමින් ජුනි 14දා සිට යලි විරෝධතාවන්ට අවතීර්න වීමත්, ලබන සතියේ දී සියලුම අනධ්‍යන සේවකයන්ගේ සහභාගිත්වයෙන් විරෝධතා උද්ඝෝෂනයක් කොලඹ පැවත්වීමට සංවිධාන කිරීමත් එම අරගලය කුලු ගැන්වීමකි.

ඊට සමාන්තරව වැටුප් විෂමතා විසඳන ලෙස ඉල්ලා, ජුනි 12දා සිට, ගුරු විදුහල්පති වෘත්තීය සමිති සන්ධානය, අධ්‍යාපන කලාප කාර්යාල මට්ටමින් විරෝධතා 100 ක් සංවිධාන කොට ඇත. සාමාන්‍ය පෙල විභාග ප්‍රශ්න පත්‍ර ඇගයීම් රාජකාරියේ නිරත ගුරුවරු, තමන්ට නියමිත සංයුක්ත දීමනාව ඉල්ලමින්, ඇගයීම් කටයුතුවලින් ඉවත් ව, 12දා, පැවත් වෙන විරෝධතාවට එක් වූහ.

ජූනි 25 දා විසඳුම් නොලැබුනහොත් දැඩි  සමිති  ක්‍රියා මාර්ග ගන්නා බවට ගුරු විදුහල්පති වෘත්තීය සමිති සන්ධානය මාධ්‍යයට ප්‍රකාශ කොට තිබුනේ මේ තතු මධ්‍යයේ ය. ඒ අනුව, 26 දා ගුරු විදුහල්පතිවරු අසනීප නිවාඩු දමා එක් දින  වැඩවැරීමකට සහභාගී වූ අතර එදින සවස පැවති ගුරු උද්ඝෝෂනය පොලීසිය කදුලු ගෑස් හා ජල ප්‍රහාර එල්ල කර මර්දනය කලේය. වර්ජනය පසුදා ද පැවැත්විනි.

දුම්රිය ස්ථානාධිපතිවරුන්ගේ උසස්වීම් අදාලව පවතින ගැටලු නො විසඳේ නම් වැඩ වර්ජනයකට යෑමට සිදු වෙන බව ශ්‍රීලංකා දුම්රිය ස්ථානාධිපති සංගමය ජුනි 12 දා  දුම්රිය බලධාරීන්ට හා ආන්ඩුවට අනතුරු ඇඟවී ය.  

ශ්‍රේනි උසස්වීම් ප්‍රශ්නය නොවිසඳීමෙන් ස්ථානාධිපතිවරුන්ගේ ඉහලම තනතුරු වන දිස්ත්‍රික් ප්‍රවහන පරික්ෂක ශ්‍රේනියට ඇතුල්වීමේ අවස්ථාව වැලකී යයි. මෙය විසඳන ලෙස  කාලයක් තිස්සේ  ඉල්ලීම් ඉදිරිපත් වී ඇත. 

ජුනි 6 දා දුම්රිය ධාවනාගාර 5න් 2ක දුම්රිය රියදුරන් වර්ජනයකට පිවිසුනේ ද ඔවුන්ගේ උසස්වීම්  හා බඳවා ගැනීම් ප්‍රමාදයට විරුද්ධව ය. ගැටලුව විසඳීමට දුම්රිය බලධාරීන් එකඟ වීමෙන් අනතුරු ව දින 3ක් පැවති වර්ජනය අත් හිටුවීමට සමිති නිලධරය තීන්දු ගත්තේ ය.

දිගු කාලයක සිට සිය ඉල්ලීම් උඩ විටින්විට වර්ජනයට ආ  තැපල් සේවකයන්, ජුනි12 දින අසනීප නිවාඩු වාර්තා කරමින් එක් දිනක් පමනක් සේවයෙන් ඉවත් වී සිටීමේ විරෝධතාවකට තැපැල් වෘත්තීය සමිති ඒකාබද්ධ පෙරමුන යොමු කලේ ය. වෘත්තීය සමිති 23ක් ඊට සහයෝගය දැක්වූ අතර 21000ක සේවක සංඛ්‍යාවක් විරෝධතාවට සහභාගී වූ බව වෘත්තිය සමිති පෙරමුන ප්‍රකාශ කරයි.

තැපැල් දෙපාර්තමේන්තුවේ 5000ට වැඩි පුරප්පාඩු ඇතත් එය පිරවීමට බලධාරීන් ක්‍රියා නො කරන බවට තැපැල් සේවකයෝ සඳහන් කරති. මේ මගින් වැඩි වැඩ කොටසක් සේවකයන් මත පැටවේ. උප තැපැල් ස්ථානාධිපති තනතුරේ 400ට ආසන්න සංඛ්‍යාවක් වැඩ බලන පදනමින් වසර ගනනාවක් සිටිති. ඒ සියල්ල ස්ථීර කිරීමත්, පුරප්පාඩු පිරවීමත් ඉල්ලීම් අතර ප්‍රධාන වේ.

මේ ඉල්ලීම් මේ මස 24දාට පෙර ලබා නො දෙන්නේ නම් අඛන්ඩ වෘත්තිය සමිති ක්‍රියා මාර්ග ගන්නා බව සමිති පෙරමුන ප්‍රකාශ කොට ඇත.

රජයේ මිනින්දෝරු නිලධාරිහු, මැනුම් කටයුතු පුද්ගලීකරනය කිරීමට ආන්ඩුව ගන්නා  පියවර නතර කිරීම ඇතුලු ඉල්ලීම් 10ක් මුල් කර ගත් විරෝධතාවකට පිවිසුනාහ. එහි පියවරක් ලෙස ජුනි 10 දා අසනීප නිවාඩු වාර්තා කොට සේවයෙන් ඉවත් වූහ.

එකී පියවර ගත්තේ, මේ වසරේ මාර්තු 28 දින සිට ඔවුන් අඛන්ඩ ව නිරත ව සිටින අකුරට වැඩ කිරීමේ වෘත්තීය ක්‍රියා මාර්ගයක් මධ්‍යයේ  ය.

මැනුම් සභාවට මිනිදෝරු නිලධාරීන් පත් කර ගැනීම, දීමනා යාවත් කාලීන කර ගැනීම, ඔවුන්ගේ  නවාතැන් හා ප්‍රවහන ගැටලු විසඳා ගැනීම, උසස්වීම් ලබා දීමේ විධිමත් බව, වාර්ෂික ස්ථානමාරු ගැටලු විසඳා ගැනීම, ශ්‍රේනි උසස්වීම් ලබා ගැනීම, තවමත් ස්ථීර නොකෙරුනු අය ස්ථීර කර ගැනීම සහ මිනින්දෝරු සේවාවේ පවතින පුරප්පාඩු 350 සම්පූර්න කර ගැනීම අනිකුත් ඉල්ලීම් අතර වේ.

ජුනි 3 දා උතුරු මැද පලාතට අයත් පලාත් පාලන ආයතනයන්හි අනියම් සේවකයන් ස්ථීර කරන ලෙස ඉල්ලමින් උද්ඝෝෂනයක් අනුරාධපුර නගර මධ්‍යයේ පැවැත්වින. ඊට සහභාගි වූ අනියම් කම්කරුවෝ ඩී.එස්. සේනානායක වටරවුමේ සිට පාගමනින් ප්‍රධාන මාර්ගය ඔස්සේ උතුරු මැද පලාත් සභාව ඉදිරියට පැමින එය  ඉදිරියේ විරෝධතා දැක් වූහ.

84000ට වැඩි අනියම් කම්කරුවෝ, දිවයින පුරා නගර සභා, මහනගර සභා සහ ප්‍රාදේශීය සභාවල සේවයේ නියුතු ව සිටිති. එම කම්කරුවන් අතර වසර  20ට වඩා වැඩි සේවා දිගුවක් ඇති කම්කරුවන්ගේ පවා සේවය ස්ථීර කොට නොමැත.

ශ්‍රී ලංකා පලාත් පාලන සේවක සංගමයේ උතුරු පලාත් ලේකම් එම්.ගිහානි  මෙසේ පවසයි: “අපි දැනට වසර 22ක් අනියම් සේවකයන් හැටියට සේවය කරනවා. ස්ථීර කරන බවට පොරොන්දු දීලා පාලකයෝ වරින්වර අපිව රැවට්ටුවා. බලධාරීන් සමග සාකච්ඡා  කලත් මෙතෙක් විසඳුම් ලබා දුන්නේ නැහැ.”

2015 දී මාර්ග සංවර්ධන අධිකාරියට බඳවා ගත් මාර්ග නඩත්තු කම්කරුවන් 1000කගේ සේවය මෙතෙක් ස්ථිර කර නැතැයි එම කම්කරුවන් සාමාජිකත්වය දරන එක්සත් පොදු සේවක සංගමය පවසයි. එනිසා  ජුනි 12දා රැකියා  ස්ථීර කරන ලෙස බලකරමින් ඔවුන් මහාමාර්ග අමාත්‍යාංශය ඉදිරිපිට විරෝධතාවක නියැලීමට නියමිත ය.

මාර්ග නඩත්තු කම්කරුවෙකුගේ දිනක වැටුප රු.825කි. මාසයකට හිමි නියමිත දින ගනන සේවය කලොත් රු.5000ක දීමනාවක් හිමි වේ. විවිධ දුෂ්කරතා මධ්‍යයේ ජීවත් වන කම්කරුවෙකුට එකී එල්ලය ජයගැනීම අසීරු කටයුත්තකි. එම නිසා ඔවුන්ට ලබා ගැනීමට හැකි වන්නේ රු.25000ට අඩු සොච්චම් වැටුපක් බව එම සංගමයේ ලේකම් නිහාල් අජිත් පැවසී ය. 

කම්කරු අරගලයන්ට සමාන්තරව  ජුනි 3දා බදුල්ල නගරයට රැස්වූ ඌව පලාතේ රැකියා විරහිත උපාධිධාරිහු රැකියා අවස්ථා තහවුරු කරන ලෙස ඉල්ලමින් විරෝධතාවක් පැවත් වූහ. පලාත් සභාව ඉදිරියේ  විරෝධතාව පැවත් වූයේ බදුල්ල විල්ස් පාක් ක්‍රිඩාංගනයේ සිට බදුල්ල නගරයේ බසාර් වීදිය, පහල වීදිය හා තැපැල්හල පාර ඔස්සේ පැමිනි පෙලපාලියකින් අනතුරුව ය.

රැකියා විරහිත සම සෞඛ්‍ය උපාධිධාරිහු රාජ්‍ය සේවයට වහා බඳවා ගන්නා ලෙස ආන්ඩුවට බලකිරීමේ උද්ඝෝෂනයක් ජුනි 12දා සෞඛ්‍ය අමාත්‍යාංශය ඉදිරිපිට පැවත් වූහ. මේ වනවිට  රැකියා නො ලැබුනු උපාධිධාරින් සංඛ්‍යාව 1000ට අධික ය.

හෙද, ඖෂධවේදී, භෞතචිකිත්සක ආදී සේවාවන්ට අදාලව උපාධිය සම්පූර්න කල උපාධිධාරින්ට රජය  රැකියා ලබා නොදෙන්නේ එම සේවාවල විශාල පුරප්පාඩු පවතිද්දී යැයි සම සෞඛ්‍ය විද්‍යා උපාධිධාරී එකමුතුව සදහන් කරයි .

කාලයක් තිස්සේ නො විසඳී පවතින ගැටලු වහා විසඳන ලෙස බලකරමින් මැයි 27දා සිට අකුරට වැඩ කිරීමේ විරෝධතාවක ග්‍රාම නිලධාරීහූ නියැලුනාහ. ජුනි 7දා ග්‍රාම නිලධාරි සංගමය සහ ජනාධිපති ලේකම් කාර්යාල නිලධාරීන් අතර සිදුකල  සාකච්චාවේදී විසඳුම් ලබා දෙන බවට වූ  පොරොන්දුව උඩ විරෝධතා තාවකාලික ව අත් හිටුවා තිබේ.

එලැඹ ඇති මැතිවරන තතු තුල සොච්චමක් ලබා ගැනීමට හා එමඟින් සාමාජිකයන් අතර වැහැරී ගිය තම අධිකාරිය යලි වාරු කර ගැනීමට සමිති නායකත්වයට  සුලු හෝ බලාපොරොත්තුවක් තිබුනේ නම්, ඉල්ලීම් නොදීමේ ආන්ඩුවේ පියවරෙන් එය බිඳ දමා ඇත. ජාමූඅ සහ ආන්ඩුව ගෙන යන පිලිවෙත පිලිගන්නා මේ වෘත්තීය සමිති – ලංකා විදුලි බල මන්ඩලය, තෙල් සංස්ථාව, ටෙලිකොම් ඇතුලු පුද්ගලිකරනයට මුහුන පා තිබෙන 400ට අධික රාජ්‍ය ආයතනයන්හී සමිති නායකත්වය – කම්කරු පංතියට විකල්පයක් ඉදිරිපත් කිරීමට අසමත්ව සිටි. ඒ වෙනුවට කම්කරු  අරගල අසංවිධානකොට තැබීම, ධනපති පාලකයන්ගේ බොරු සාකච්ඡාවල රස්තියාදු ගැස්සීම, කල් මැරීම හා අවශේෂ කම්කරු කොටස්වලින් භේද කොට හුදකලා කිරීම, සමිති  සිය පිලිවෙත බවට පත් කර ගෙන ඇත . 

මීට එරෙහි ව සටන් සංවිධානය කිරීමට, කම්කරු පංතියේ අව්‍යාජ අවශ්‍යතාව නියෝජනය කෙරෙන ලෙස තම සේවා  ස්ථානවල ප්‍රජාතන්ත්‍රවාදී බල සංස්ථා ලෙස කම්කරු කමිටු ගොඩ නැගීමට කම්කරුවන් මූලිකත්වය ගත යුතු වේ. කම්කරුවන්ට රහසින් තීන්දු ගන්නා සමිති නිලධරයේ යටිකූට්ටු වැඩ වෙනුවට  තමන්ගේ අරගලය කවර ක්‍රියා මාර්ග, පිලිවෙත් මත සංවිධාන කරන්නේ ද යන්න ප්‍රජාතන්ත්‍රවාදීව සාකච්ඡා කොට තීන්දු තීරන ගැනීමට මෙම කමිටු තුල කම්කරුවන් යොමු විය යුතු ය. ශ්‍රේනිවාදී හා භේදකාරී මොනම දෙයකට හෝ ඉඩ නොදෙන කම්කරු පංතියේ එකමුතුවකට මග සාදා ගත හැක්කේ ඒ හරහා පමනි.

කම්කරුවන්ගේ මෙම නව සංවිධාන තම අතට දේශපාලන බලය ලබා ගැනීම සඳහා ධනපති පාලක පංතියට හා ජාත්‍යන්තර මූල්‍ය අරමුදල ඇතුලු අධිරාජ්‍යවාදී මූල්‍ය කථිපයාධිපත්‍යයට එරෙහිව සමාජවාදී ජාත්‍යන්තරවාදී වැඩපිලිවෙලකින් මෙහෙයවා ගැනීමකින් තොරව කිසිදු සමාජ අයිතියක් ආරක්ෂා කර ගත හැකි නොවේ. යුද්ධය හා සමාජ ප්‍රතිවිප්ලවය පරාජය කිරීම සඳහා මෙම කමිටු ජාතිකවත්, ජාත්‍යන්තරවත්  එකමුතු කර සංවිධානගත කරන ජාත්‍යන්තර දේශපාලන වැඩපිලිවෙල ඉදිරිපත් කරන්නේ කම්කරුවන්ගේ ලෝක පක්ෂය වන හතරවන ජාත්‍යන්තරයේ ජාත්‍යන්තර කමිටුව (හජජාක) හා එහි ජාතික ශාඛා යි. අන් සියල්ලටමත් මත්තෙන්, හජජාක ලංකා ශාඛාව වන සමාජවාදී සමානතා පක්ෂය ගොඩ නැගීමත්, ඒ තුල ඉදිරි මහජන අරගලවලට නායකත්වය සම්පාදනය කල හැකි අව්‍යාජ විප්ලවවාදී නායකත්වය ස්ථාපිත කිරීමත් කම්කරු පන්තියේ ජීවිතය හා මරනය පිලිබඳ ප්‍රශ්නයකි. සසප නායකත්වයේ ප්‍රතිගාමී ප්‍රවනතාවන්ට එරෙහිව නායකත්වයේ මෙම අර්බුදය විසඳීමේ අරගලය සසප-වම ෆැක්ෂනය පෙරට ගනිමින් සිටී. එම අරගලය සමග බද්ධ වන ලෙස අපි අප පාඨකයන්ගෙන් ඉල්ලා සිටිමු.  

වැටුප්, දීමනා ලබා නොදීමේ ආන්ඩුවේ පියවර හා කම්කරු අරගල Read More »

Graetion-Geekiyanage

ග්‍රේෂන් ගීකියනගේ ඝාතනයෙන් වසර 35 ක්

පරාක්‍රම කුරුප්පු විසිනි

Graetion-Geekiyanage
ග්‍රේෂන් ගීකියනගේ සහෝදරයා

සමාජවාදී සමානතා පක්ෂයේ පූර්වගාමී සංවිධානය වන විප්ලවවාදී කොමියුනිස්ට් සංගමයේ හලාවත ශාඛාවේ සාමාජිකයෙකු වූ ග්‍රේෂන් ගීකියනගේ සහෝදරයා ජවිපෙ තුවක්කුකරුවන් විසින් මරා දමා ලබන ජූනි 24 වන දිනට වසර 35 ක් සපිරෙයි. සමාජවාදී විප්ලවයේ ජාත්‍යන්තරවාදී ක්‍රියාමාර්ගය වෙනුවෙන් සටන් වැදුණු විප්ලවවාදියෙකු වූ ග්‍රේෂන් සහෝදරයා ඝාතනය වන විට 27 වියැති තරුණයෙකු ව සිටියේ ය. ඔහු මරා දමන ලද්දේ එවකට ජවිපෙ විසින් පවත්වා ගෙන ගිය “දේශප්‍රේමී” කැරැල්ලේ ප්‍රහාරකයන් විසිනි. මේ මරණය සම්බන්ධයෙන් පසුගිය ධනපති ආණ්ඩු කිසිවක් යටතේ කිසිදු පරීක්ෂණයක් පවත්වා නැත.

1988-89 ජවිපෙ “දේශප්‍රේමී” කැරැල්ල වූ කලී, ශ්‍රී ලංකාවේ ධනපති ආණ්ඩුව උතුරු නැඟෙනහිර පවත්වා ගෙන ගිය වර්ගවාදී යුද්ධයේ මූලෝපායයට අතිශය පක්ෂපාතී උද්ඝෝෂකයෙකු ලෙස කටයුතු කරන අතරතුර ම, ධනේශ්වර ක්‍රමයේ අර්බුදයෙන් මංමුලාවට හා දරිද්‍රතාවයට ගොදුරු වූ ගැමි තරුණයන් උණ්ඩ ලෙස යොදා ගනිමින්, ඉන්දීය හමුදා ශ්‍රී ලංකා ආණ්ඩුවේ සහයට ගෙන්වා ගැනීම ද ඇතුළු ධනපති රාජ්‍යයේ රාජ්‍යොපායයන් පිලිබඳ සන්නද්ධ කැරැල්ලක් හරහා කෙරුණු කේවෙල් කිරීමක් විය. එහි දී පාලක එජාපයේ ම කොටස් වල ද, ධනපති ශ්‍රීලනිපයේ ද, මඑපෙ, එජාපයෙන් ගැලවී ගිය පතුරක් වූ එක්සත් ලංකා ජනතා පක්ෂය නම් සංවිධානය ඇතුළු විවිධ ධනපති සංවිධානවල ද සහාය වරින්වර භුක්ති විඳිමින්, ඒ ඒ ධනපති කොටස් සමඟ චපල කේවෙල් කිරීමක යෙදෙන අතරතුර, කම්කරු පන්තිය තමන්ගේ අණසක යටතට ගනු වස් ඔවුන්ගේ තුවක්කු කම්කරුවන් වෙතට ද මානනු ලැබුනේ, ඔවුන් නියෝග කරන දිනවල සේවා ස්ථානවලින් ඉවත් වී “වර්ජනය” කරන ලෙස කම්කරුවන්ට මරණ තර්ජන නිබඳ ව එල්ල කිරීම් වශයෙනි. මේ තර්ජනයට එරෙහිව කම්කරුවන් ස්වාධීන ව බලමුළු ගන්වා ගැනීම සඳහා කම්කරු පන්තියේ එක්සත් පෙරමුණු ක්‍රියා මාර්ගයක් සඳහා විප්ලවවාදී කොමියුනිස්ට් සංගමය කළ කැඳවීමට පසුපස හැරවූ ලසසප, කොප හා නසසපය සිය ආරක්ෂාව සඳහා ධනපති රාජ්‍යයේ සරණ පැතීය. ප්‍රතිඵලය වූයේ එකී පක්ෂවල ම වෘත්තීය සමිති නායකයන් ද ජවිපෙ තුවක්කුවලට ගොදුරු වීමයි. මෙකී කම්කරු විරෝධී ප්‍රහාරවල කුළු ගැන්වීම වූයේ වර්ගවාදී යුද්ධයට හා ධනපති ක්‍රමයට එරෙහිව කම්කරු පන්තියේ ඒකාබද්ධ විප්ලවවාදී සමාජවාදී ක්‍රියා මාර්ගයක් තුල කම්කරු පන්තිය බලමුළු ගැන්වීමට ක්‍රියාත්මක වූ හතරවැනි ජාත්‍යන්තරයේ ජාත්‍යන්තර කමිටුවේ ලංකා ශාඛාව ලෙස පැවැති විප්ලවවාදී කොමියුනිස්ට් සංගමය වෙත ජවිපෙ ආයුධ එල්ල වීමයි. 1988 නොවැම්බරයේ දී ගුරුවරයෙකු වූ ආර්.ඒ. පිටවල සහෝදරයා ද, දෙසැම්බරයේ දී සරසවි අනධ්‍යයන සේවකයෙකු වූ පී.එච්. ගුණපාල සහෝදරයා ද ගොදුරු කර ගත් ඔවුන්ගේ අවි වල තෙවැනි බිල්ල වූයේ ග්‍රේෂන් ගීකියනගේ සහෝදරයා ය.

G-geekiyanage-funeral-procsn.png
ජවිපෙ තර්ජන මැද සිය ගනනින් කම්කරුවන්, ධීවරයන් හා ප්‍රදේශවාසීන් ග්‍රේෂන් සහෝදරයාගේ දේහය රැගත් පෙලපාලියට එක්වේ

ජවිපෙ නායකත්වයෙන් ධනපති ආණ්ඩුව සමඟ පවත්වා ගෙන ගිය මෙම සන්නද්ධ කේවලය කෙලවර කෙරුනේ 60,000 ක් ඉක්මවා ගිය ගම්බද තරුණයන් මරා දැමුණු රුධිර ස්නානයක් හරහා ධනපති රාජ්‍යය සිය මෘග මර්දනකාරී බලය තහවුරු කර ගැනීමකිනි. ඉන් දශක එක හමාරක ඇවෑමෙන් ජවිපෙ 2015 දී තම සාමාජිකයන් ඇතුළු තරුණ ජීවිත රාශියක් වනසා ලූ යූඇන්පීයේ නායකත්වයෙන් පැවැති ඊනියා යහපාලන ආණ්ඩුවට දේශපාලන සහයෝගය පිදීය.

ග්‍රේෂන් සහෝදරයා ඝාතනය කිරීමෙන් 35 වසරක් ගෙවී ඇති මේ මොහොත වන විට ජනතා විමුක්ති පෙරමුණ සිය “වාම” සළුපිලි හැර පියා ජාත්‍යන්තර මූල්‍ය අරමුදලේ යෝජනා වෙනුවෙන් විවෘතව ම පෙනී සිටී. ඒ කරුණ සම්බන්ධයෙන් එජාපය, සමඟි ජන බලවේගය, පොදුජන එක්සත් පෙරමුණ, ශ්‍රීලනිපය හා ජවිපෙ ප්‍රමුඛ ජාතික ජන බලවේගය අතර විවාදයක් නැත. එකම විවාදය පවතින්නේ කම්කරුවන් හා දුගීන් ද පීඩිතයන් ද තලා දමන මෙම ධනේශ්වර යාන්ත්‍රණයේ සුක්කානම කවුරුන් සතු විය යුතු ද යන කරුණ සම්බන්ධයෙන් පමණි. ධනපති රාජ්‍යයේ මර්දන යාන්ත්‍රනය වඩාත් ම “කාර්යක්ෂම” ආකාරයෙන් ක්‍රියා කරවිය හැකි තමන්ට යැයි කරන පාරම් බෑම් වලින් ද, ව්‍යාපාරිකයන්ට “නිදහසේ” සූරාකෑමට දෙන අවස්ථාව පිලිබඳ සහතික කිරීම් වලින් ද සිය “අවංක” අභිලාශය ධනපති පන්තියට ඒත්තු ගැන්වීමේ ප්‍රයත්නයක යෙදී සිටින අතර ම ජවිපෙ නායකත්වය, ඇමරිකානු අධිරාජ්‍යවාදයේ දකුණු ආසියානු මූලෝපායයන් සමඟ ගැට ගැසී ගැනීමට තමන්ගේ සූදානම පෙන්වා දීම සඳහා ඉන්දීය ධනපති රාජ්‍යයේ විශ්වාසය දිනා ගැනීමේ ප්‍රයත්නයක යෙදෙමින් සිටී. අධිරාජ්‍යවාදයේ දකුණු ආසියාතික නියෝජිතයා වන ඉන්දීය ධනපති පන්තියට ඔවුන් මේ දෙන සහතිකවල බර කිරා බැලිය යුත්තේ, අධිරාජ්‍යවාදයේ වර්තමාන ලෝක මූලෝපායය වන ලෝක යුද්ධ වැඩ පිළිවෙලේ අන්තරාය ද, අප හිස මත ලඹ දෙන ලෝක පරිමාන න්‍යෂ්ටික යුද්ධයක තර්ජනය ද සමඟිනි.

graetion-at-Keerthi-funeral.png
1987 දෙසැම්බර් විකොස ප්‍රධාන ලේකම් කීර්ති බාලසූරිය සහෝදරයාගේ අවමංගල පෙරහැරේ ඉදිරියෙන් යන ග්‍රේෂන්

ග්‍රේෂන් සහෝදරයාගේ ඝාතනයෙන් මෙපිට ගත වූ දශක තුන හමාර තුල ජවිපෙ විකාශනය පෙන්නුම් කරන්නේ විනාශකාරී යුද්ධයේ ව්‍යසනයෙන්, දරිද්‍රතාවයෙන්, රැකියා විරහිතභාවයෙන්, අධ්‍යාපන කප්පාදු වලින්, අදහස් ප්‍රකාශ කිරීමේ අවකාශය අහිමි කරනු ලැබීමේ පීඩනයෙන් අත් මිදීම සඳහා තරුණයන්ට පවතින එකම මාවත වන්නේ, අධිරාජ්‍යවාදී යුද්ධය වැලැක්වීම සඳහා සහ අර්බුද ග්‍රස්ත ධනපති ක්‍රමය පෙරළා දැමීම සඳහා ජාත්‍යන්තරවාදී සමාජවාදී වැඩ පිළිවෙලක් මත කම්කරු පන්තියේ ස්වාධීන ලෝක ව්‍යාපාරය ගොඩ නැඟීම පමණක් බවයි. ග්‍රේෂන් සහෝදරයාගේ ජීවිතය හා මරණය අපට උගන්වන පාඩම වන්නේ එයයි.

ග්‍රේෂන් ගීකියනගේ ඝාතනයෙන් වසර 35 ක් Read More »

Bogdan

යුක්‍රේන ෆැසිස්ට්වාදී ආන්ඩුවේ අත්අඩංගුවේ සිටින බොග්ඩාන් සයිරොටියුක් වහා නිදහස් කරනු!

කොලඹ ක්‍රියාකාරී කමිටුවේ ප්‍රකාශය.

යුක්‍රේනයේ SBU රාජ්‍ය ආරක්ෂක සේවය විසින් පසුගිය අප්‍රේල් 25 දින අත්අඩංගුවට ගනු ලැබ අධි ආරක්ෂක සිර ගෙයක රඳවා සිටින, බෝල්ෂෙවික් ලෙනින්වාදීන්ගේ තරුන රැකවල (YGBL) සංවිධානයේ නායක බොග්ඩාන් සයිරොටියුක් වහා නිදහස් කරන ලෙසත්,  ඔහුට එරෙහි සාපරාධී චෝදනා හකුලා ගන්නා ලෙසත් කොළඹ ක්‍රියාකාරී කමිටුව බලකර කියා සිටී. 

බොග්ඩාන් අත්අඩංගුවට ගෙන ඇත්තේ නැටෝ අධිරාජ්‍යවාදයේ සාපරාධී යුද්ධයට එරෙහිව හතරවැනි ජාත්‍යන්තරයේ ජාත්‍යන්තර කමිටුව හා ලෝක සමාජවාදී වෙබ් අඩවිය විසින් ගෙන යනු ලබන උද්ඝෝෂනය තුල ඔහු ඉටු කරමින් සිටි ප්‍රමුඛ ක්‍රියා කලාපය නිසා බව කොළඹ ක්‍රියාකාරී කමිටුවේ පිළිගැනීමයි. 

බොග්ඩාන් අත් අඩංගුවට ගැනීමට පසු යුක්‍රේනයේ ෆැසිස්ට්වාදී සෙලෙන්ස්කි ආන්ඩුව ලෝක කම්කරු පන්තියේ සමාජවාදී විශ්වවිද්‍යාලය වන ලෝක සමාජවාදී වෙබ් අඩවිය (ලෝසවෙඅ) යුක්‍රේනය තුල තහනම් කලේය. YGBL හි ලේඛන සදහා ලෝසවෙඅ වේදිකාවක් විය. මෙය, යුද්ධයට එරෙහි වීමට කම්කරු පන්තියට ඇති ප්‍රජාතන්ත්‍රවාදී අයිතියට එල්ල කළ මාරක පහරක් ලෙස හඳුනා ගන්නා අපි, කම්කරුවන්ගේ ස්වාධීන ජාත්‍යන්තර ප්‍රකාශන මාධ්‍යයක් ලෙස පැවතීමටත්,  අධිරාජ්‍යවාදයේ ලෝක යුද්ධ වැඩ පිළිවෙලට එරෙහිව ජාත්‍යන්තරවාදී සමාජවාදී ඉදිරි දර්ශනයක් මත ලෝක කම්කරු පන්තිය සංවිධානය කිරීමට හා අදහස් ප්‍රකාශ කිරීමට හතරවැනි ජාත්‍යන්තරයේ ජාත්‍යන්තර කමිටුවට හා ලෝසවෙඅ ට ඇති අයිතිය පැහැර ගැනීමට අධිරාජ්‍යවාදීන් ප්‍රමුඛ අර්බුද ග්‍රස්ත ධනපති ආණ්ඩුවලට ඉඩ නොදී මෙම ප්‍රජාතන්ත්‍ර විරෝධී ප්‍රහාරයට එරෙහිව  පෙරට එන ලෙසත් ලෝක කම්කරු පන්තියෙන්, සියලු පීඩිතයන්ගෙන් හා ශිෂ්‍යයන් ඇතුළු තරුණ ප්‍රජාවෙන් අපි ඉල්ලා සිටිමු.   

25 හැවිරිදි බොග්ඩාන්ට එරෙහිව රාජද්‍රෝහී චෝදනා නඟා ඇති යුක්‍රේන ෆැසිස්ට් තන්ත්‍රය, බොග්ඩාන් පසුගිය දෙවසර පුරා “ලෝක සමාජවාදී වෙබ් අඩවිය නම් රුසියානු ප්‍රචාරක හා තොරතුරු ඒජන්සියක නියෝජිතයන් විසින් පවත්වා ගෙන යනු ලබන ප්‍රකාශනයක පල කිරීම් සූදානම් කිරීමේ නියැලී සිටි” බව කියා සිටියි. ලෝසවෙඅට එරෙහිව එල්ල කරන මෙම අභූත මඩ ප්‍රහාරය හෙළා දකින කොක්‍රික, බොග්ඩාන්ට ද, ලෝක සමාජවාදී වෙබ් අඩවියට ද එරෙහිව මේ ඔසොවා ඇති මර්දන හස්තය බිඳ දැමීම සමස්ත ලෝක කම්කරු පන්තිය ක්ෂණික ව මුහුණ දී සිටින අභියෝගයක් බව කියා සිටී. මාරක අර්බුදයක කිඳී, ලේ ගංගාවන් හරහා පිහිනා අර්බුදයෙන් එතෙරවීමට මංමුලා සහගත ප්‍රයත්නයක යෙදී සිටින ලෝක අධිරාජ්‍යවාදය, ගාසා සමූලඝාතනවලට එරෙහි ශිෂ්‍ය හා මහජන විරෝධතා නීති විරෝධී කරමින් හා උද්ඝෝෂකයන් සිරගත කරමින් යුද විරෝධීන්ට හා සමාජවාදීන්ට මේ මොහොතේ එල්ල කරමින් සිටින ප්‍රජාතන්ත්‍ර විරෝධී අශිෂ්ඨ ප්‍රහාරයේ කුළු ගැන්වීමක් මෙම ප්‍රහාරයෙන් සනිටුහන් කෙරෙයි. එහි අර්ථය වන්නේ, අධිරාජ්‍යවාදයේ කුරිරු යුද සැලසුම් පරාජය කල හැකි එකම බලවේගය ජාත්‍යන්තර කම්කරු පන්තිය ලෙස හඳුනා ගනිමින්, එහි ඒකාබද්ධතාවය සඳහා බොග්ඩාන් ද, හතරවැනි ජාත්‍යන්තරයේ ජාත්‍යන්තර කමිටුව ද, ලෝක සමාජවාදී වෙබ් අඩවිය ද ගෙන යන අරගලය තවදුරටත් දරා සිටීමට අධිරාජ්‍යවාදයට හා එහි සහායකයන්ට නොහැකි වී ඇති බවයි. 

ගෝලීය නිෂ්පාදනය හා ලෝක වෙලඳපොල ද, ඒ මත ආධිපත්‍යය දරා සිටින ධනපති ජාතික රාජ්‍ය පද්ධතිය ද අතර මෝරා වැඩී ඇති ප්‍රතිවිරෝධයන්ගේ ආතතියෙන් මිරිකී ඇති සමස්ත ලෝක ධනපති පර්යායේ අර්බුදය, පෙර නො ඇසූ විරූ තරමේ සමාජ අසමානතාවයක් ලෙසත්, දෙවැනි ලෝක යුද්ධයෙන් පසුව පසුගිය සියවසේ මැද භාගයේ ගොඩ නංවන ලද පාලන ක්‍රම, ජාත්‍යන්තර සම්මුති, අන්තර් රාජ්‍ය සංවිධාන හා දේශසීමා ඇතුළු සමස්ත පර්යාය ම සුනුවිසුනු කරමින් අධිරාජ්‍යවාදී බලයන් ලෝක යුද්ධයක දිශාවට වේගයෙන් ඇද දැමීමක් ලෙසත් ප්‍රකාශයට පත් වෙමින් පවතී. අධිරාජ්‍යවාදය හා එහි බළල් අත් ලෙස ක්‍රියා කරන ධනේශ්වර තන්ත්‍රයන් සන්ත්‍රාසයට පත් ව සිටින්නේ මෙම ලෝක යුද්ධ ප්‍රයත්නයට එරෙහිව වේගයෙන් වර්ධනය වෙමින් පවතින මහජන ව්‍යාපාරයේ ඉදිරි ගමන පිළිබඳව ය. ලෝක යුද්ධයේ මාවත හැර යා හැකි වෙනත් මාවතක් නැති, පසුබැසීමට ඉඩක් නැති අධිරාජ්‍යවාදය එකී මහජන ව්‍යාපාරය තුලින් සමාජවාදී විප්ලවයේ අවතාරය දැකීම අරුමයක් නොවේ. ලෝකයේ රටක් රටක් පාසා ආණ්ඩු ප්‍රජාතන්ත්‍රවාදී අයිතීන් තලා දැමීම කරා පැනගෙන සිටින්නේ එකී තතු මත ය. ලංකාවේ පාලක පන්තිය එක දිගට තබමින් සිටින ප්‍රජාතන්ත්‍ර විරෝධී ආඥාදායක පියවරයන්ට ඔවුන් තල්ලු කෙරෙන්නේ ද එකී අර්බුදයේ කොන්දේසි විසින් ම ය.

දශක තුනකට වැඩි කාලයක් පුරා සෑම දිනක ම යුද වැදී සිටි ඇමරිකානු අධිරාජ්‍යවාදය දැන් නැටෝව මෙහෙයවා ගනිමින් න්‍යෂ්ටික ලෝක යුද්ධයක් කරා වේගවත් පියවර තබමින් සිටී. යුක්‍රේන බලල් අත යොදා ගනිමින් රුසියාව සමඟ යුද වැදීම, මැද පෙරදිග දී ඊශ්‍රායලයේ අපරාධකාරී නෙතන්යාහු ෆැසිස්ට් තන්ත්‍රයේ  සමූලඝාතනවලට ආයුධ, මුදල් හා රාජ්‍ය තාන්ත්‍රික සහාය පිදීම, එම අපරාධවලට එරෙහිව නැඟෙන කම්කරු, ශිෂ්‍ය උද්ඝෝෂන නීති විරෝධී කිරීම හා උද්ඝෝෂකයන් අත්අඩංගුවට ගැනීම අඛණ්ඩව සිදු කෙරේ. ඊට සමගාමීව යුරෝපයේ, ආසියාවේ හා ලෝකය පුරාමත් ආණ්ඩු ස්වාධීන මහජන ක්‍රියාකාරීත්වයන් නීතිවිරෝධී කිරීමේ හා ක්‍රියාකාරීන් දඬුකඳේ ගැසීමේ නියැලී සිටිති. ඊනියා යුක්තියේ මෙහෙයුම නාමයෙන් ලංකාව තුල ද එම වැඩ පිළිවෙල ක්‍රියාත්මක කිරීමේ සැලසුම්  මෙහෙයවා ඇති අතර, මෑතක දී කොළඹ ක්‍රියාකාරී කමිටුවේ කැස්බෑව උද්ඝෝෂණයේ උද්ඝෝෂණ පත්‍රිකා අත් අඩංගුවට ගැනීමට හා එහි ක්‍රියාකාරීන්ට බලපෑම් හා තර්ජන කිරීමට පොලීසිය මැදිහත් වූයේ ද මේ තතු යටතේ ම ය. 

මේ අනුව, බොග්ඩාන් සහෝදරයා අත්අඩංගුවට ගැනීමට එරෙහිව නැඟී සිටීම වූ කලී හුදෙක් තරුණයෙකුගේ, සමාජවාදී ජාත්‍යන්තරවාදී විප්ලවවාදියෙකුගේ, ජීවිතය හා නිදහස පිලිබඳ ප්‍රශ්නයක් පමනක් නොවේ. එය ලංකාවේ ද, මේ කලාපයේ ද, හා සමස්ත ලෝකයේ ම ද කම්කරු පීඩිතයන්ගේ ජීවිත හා නිදහස පිලිබඳ ප්‍රශ්නයකි. 

බොග්ඩාන් සයිරොටියුක් වහා නිදහස් කරනු!

ලෝක සමාජවාදී වෙබ් අඩවියට අත නොතබනු!

යුක්‍රේන ෆැසිස්ට්වාදී ආන්ඩුවේ අත්අඩංගුවේ සිටින බොග්ඩාන් සයිරොටියුක් වහා නිදහස් කරනු! Read More »

PiCKET

විශ්ව විද්‍යාල අනධ්‍යන සේවක වර්ජනය මාසය ඉක්මවයි

එල්.පී. උදයප්‍රේම විසිනි.

තම ඉල්ලීම් දිනා ගැනීමට රාජ්‍ය විශ්ව විද්‍යාල 17ක 13,000 ක් වූ අනධ්‍යන සේවකයන් දියත් කල අරගලයට ජුනි 5 දා වනවිට දින 33ක් පිරී ඇත.    

කම්කරු පංතියේ අවශේෂ  කොටස්වල සහයෝගය එකී අරගලයට අහිමි කල  වෘත්තීය සමිති නායකත්වයේ  ද්‍රෝහිත්වය, විශ්ව විද්‍යාලීය බලධාරීන් හා ආන්ඩුව විසින් ඊට  එරෙහිව මුදාහල මර්ධනය මෙන් ම කඩාකප්පල්කාරි ක්‍රියාවලට අභිමුඛ වෙමින් අනධ්‍යන  සේවකයන්ගේ අරගලය පෙරට ආවේ ය.

අනධ්‍යන සේවකයන්ගේ ධෛර්ය සම්පන්න අරගලයේ අත්දැකීම් සහ ක්‍රියා මාර්ගික ගැටලු විවේචනාත්මක සලකා බැලීම ආන්ඩුවේ ප්‍රහාරයට මුහුනදී සිටින කම්කරු පංතියට බරපතල පාඩම් ගෙන එන්නකි.

13-05-24- demo
විශ්ව විද්‍යාල අනධ්‍යන කාර්ය මණ්ඩලය අරඹා ඇති වෘත්තීය ක්‍රියාමාර්ගයට සමගාමීව මැයි 13 පාර්ලිමේන්තුව අසල පැවති විරෝධතාවය පොලීසිය පහර දෙති-අනුග්‍රහය Unions Lanka FB page

මෙහි කැපී පෙනෙන කාරනයක් වන්නේ, ධනපති ක්‍රමයට මෙම ප්‍රශ්න විසදිය හැකිය යන පදනම මත, ආන්ඩුවත් සමග සිදු කරන සාකච්ඡා හා බලපෑම්  මගින් වැටුප් හා දීමනා ලබා ගත හැකි යැයි සමිති නායකත්වය ගෙන ගිය මහා බොරුව,  මැයි 27දා ජනාධිපති රනිල් වික්‍රමසිංහගේ ප්‍රධානත්වයෙන් පැවති කැබිනට් මංඩලය ගත් තීන්දුව ල්මල්ගිල්ල් කීතු කර දැමීම යි.

කැබිනට් මංඩලයේ තීන්දුවට අනුව  අනධ්‍යන සේවකයන්ට පමනක් නොව සෞඛ්‍යය අංශයේ සේවකයන්, ගුරු වෘත්තිකයන් ඇතුලු රාජ්‍ය අංශයේ සේවකයන්ගේ “වැටුප් විෂමතා” විසඳීමට “මේ වසරේ” පියවරක් නො ගැනේ. ඒ සදහා ආර්ථික හැකියාවක් නැත.

වැඩ කරන ජනයාගේ අයිතීන්ට එරෙහිව කැබිනට් මංඩලය ගත් තීන්දු මාධ්‍යයට නිවේදනය කල ඇමති බන්දුල ගුනවර්දන ප්‍රකාශ කලේ, මේ ප්‍රශ්න 2025 අයවැයේ දී ද විසඳෙන්නේ නැති බව යි. ඉල්ලීම් විසඳීමට “රජයට කල හැකි උපරිමය” කිරීමට ජනාධිපති වික්‍රමසිංහ කැබිනට් මංඩලයේ දී දුන් පොරොන්දුව, ගුනවර්දනට අනුව, විසඳුමක් හැටියට කම්කරුවන් පිලිගත යුතු ව ඇත!

ඊට අමතරව “විශේෂඥ කමිටුවක්” තනා ඇතැයි සඳහන් කල ගුනවර්දන, කම්කරුවන් තම අරගලය නතර කොට එකී කමිටුවට සිය ඉල්ලීම් ඉදිරිපත් කල යුතු යැයි දැඩි ව අවධාරනය කලේ ය. ආන්ඩුවේ  තීන්දු පිලි ගනු! වෙනත් විසඳුමක් නැත!! යන තර්ජනය මෙ ප්‍රකාශය තුල අන්තර්ගත වී ඇත.

අනධ්‍යයන වෘත්තිය සමිති හවුල හෝ වෙනත් සමිතියක් හෝ මේ වන තෙක් ඊට එරෙහි කිසිදු ප්‍රතිචාරයක් දක්වා නැත.

වැඩ කරන ජනයාගේ යුක්තියුක්ත ඉල්ලීම් කෙරෙහි ධනපති පාලකයන්  දක්වන දුෂ්ඨ විරුද්ධත්වය වත්මන් පාලක පංතිය ගිලී සිටින ආර්ථික අර්බුදයෙන් පැන නගින්නකි. එකී අර්බුදය විසඳා ගැනීමට පාලක පංතිය හැරී සිටින්නේ කම්කරු පංතිය දිනා ගෙන සිටින සකලවිධ දේ උදුරා ගැනීමෙනි. එම ක්‍රියා මාර්ගයේ එල්ලය වන්නේ සටන් වැද දිනා ගත් වැටුප්, දීමනා හා සුබසාධනයන් කප්පාදු කිරීම පමනෙකින් නො නැවතී, රැකියා ම අහිමි කිරීම ය. ජාත්‍යන්තර මූල්‍ය අරමුදල යටතේ ප්‍රතිව්‍යුහගත කිරීමේ නමින් වික්‍රමසිංහ ආන්ඩුව  ක්‍රියාවට දමමින් සිටින්නේ එම වැඩ පිලිවෙලයි. සමගි ජන බල වේගය, ජාතික ජන බලවේගය ඇතුලු ධනපති විපක්ෂයේ ද, ව්‍යජ වාම කන්ඩායම්වල ද සහයෝගය විවිධාකාරයෙන් ඊට හිමි වේ. 

වික්‍රමසිංහ ආන්ඩුව යටතේ දිනපතා උග්‍ර වන ආර්ථික පීඩනය මධ්‍යයේ, වසර 8ට වැඩි කාලයක් නො විසඳී පැවති “වැටුප් විෂමතා” ගැටලුව මැයි 2 දා වර්ජනයක් ලෙස පිපිරුනි. හිලවු දීමනා ඇතුලු තවත් ඉල්ලීම් කීපයක්  වර්ජනයට මුල් වී  තිබේ .

ආන්ඩුව තම ඉල්ලීම් නොතකා හැරීම අභියෝග කරමින් විශ්ව  විද්‍යාල අනධ්‍යන සේවකයෝ, ජනවාරි 18 දා එක් දින වැඩ වර්ජනයකට අවතීර්න වෙමින් 2024 වසර ආරම්භ කලෝ ය. පෙබරවාරි 28 හා 29 දෙදින යලිත් ඔවුහු සංකේත වැඩ වර්ජනයකට එලඹුනෝ ය. සේවකයන් අතර වැඩෙන සටන්කාමිත්වය ඉදිරියේ කල් මරමින් සිටි අනධ්‍යන වෘත්තීය සමිති හවුල කලේ අප්‍රේල් 29 දා සිට අඛන්ඩ වැඩ වර්ජනයකට යන බව කම්කරුවන්ට අඟවා, වර්ජනයකට යාමට සිදු වී ඇත්තේ තමන්ගේ කැමත්තකින් නොවන බව ඇමතිවරයාට ලිපියකින් දැන්වීමයි. ඇමතිවරයාගෙන් හෝ ආන්ඩුවෙන් සිය සාමාජිකයන්ගේ “වැටුප් විෂමතා ” විසඳන ලෙස ඉල්ලීම් ඉදිරිපත් කරනවා  වෙනුවට ඔවුන් සිදු කලේ, සිය සාමාජිකයන්ගේ “පීඩනය හමුවේ වෘත්තිය සංවිධාන ලෙස අප සංගම්වලට මේ මොහොතේ නිහඬ ව සිටීමට හැකියාවක් නොමැත” යනුවෙන්  සිය අසරනකම ලියා යැවීමයි. මෙය සමිති නායකත්වයේ නිවට ධනපති ගැති  ස්වභාවය පෙන්වන්නකි.

වෘත්තිය සමිති හවුල අධ්‍යාපන ඇමතිවරයාට යැවූ ඉහත ලිපියෙන් එලිදරව් කෙරෙන්නේ, අනධ්‍යයන සේවකයන්ගේ අරගලය සංවිධාන නොකිරීමට ඔවුන් එකාවන්ව පෙල ගැසී සිටින අයුරුයි. මේ තතු යටතේ, දැන් පිපිරී ඇති අනධ්‍යයන  අරගලය නිශ්චිතව ම සමිති නායකත්වයේ සීමාවන්ට එරෙහි කැරැල්ලකින් පැන නැගුනක්ය යන්න පැහැදිලි ය.

මැයි 2දා වර්ජනයට ආ අනධ්‍යයන සේවකයෝ මැයි 7දා කොලඹ වෝඩ් පෙදෙසේ පිහිටි අධ්‍යාපන අමාත්‍යාංශය ඉදිරියේ බලගතු විරෝධතාවක නිරත වූහ. ඉන් දින 5ට ඉක්බිති, මැයි 12දා පාර්ලිමේන්තුවේ වටරවුමට එක් වූ අනධ්‍යන සේවකයෝ යලි විරෝධතාවක් පැවත්වීම මඟින් තම සටන්කාමිත්වය තවදුරටත් ප්‍රදර්ශනය කලෝය. අධිකරනයෙන් තහනම් නියෝග ලබා ගත්  පොලිසිය කැරැලි මර්දන ඒකක මෙහෙයවා ගනිමින් ජල හා කඳුලු ගෑස් ප්‍රහාර එල්ල කොට එකී විරෝධතාව විසුරුවා හැරීමට ක්‍රියා කලේ ද, 2007 අනධ්‍යයන සේවක වර්ජනයට නිකුත් කල චක්‍ර ලේඛනයක් යොදා ගනිමින් වර්ජිතයන් දඩයම් කිරීම ඇරඹුවේ ද මේ තතු තුල ය. අතිකාල හා වෙනත් දීමනා කපා හැරීමෙන් නොනැවතී රැකියාවෙන් ම පලවා හැරීමට චක්‍ර ලේඛන යොදා ගත හැකි බව විශ්ව විද්‍යාල බලධාරීන් මාධ්‍යයට සඳහන් කර තිබුනි. ඔවුන් ආදර්ශයට ගෙන ඇත්තේ, චක්‍රලේඛවලට මුවා වී විදුලි බල මන්ඩලයේ අරගලයට සහභාගී වූ සේවකයන් දඩයම් කිරීමට ලංවිම පාලන අධිකාරීන් ගත් ප්‍රජාතන්ත්‍ර විරෝධී පියවරයි. එමගින් විදුලි සේවකයන් 66 දෙනෙක් වැඩ තහනමට ලක් වූහ.

ලංවිම, ඛනිජතෙල් සංස්ථාව ඇතුලු ප්‍රතිව්‍යුහගතකරනයට ලක් ව පවතින සෑම ස්ථානයකම වෘත්තිය සමිති ක්‍රියා කරන ආකාරයෙන් ම අනධ්‍යයන වෘත්තිය සමිති නායකත්වය ද නියැලී සිටින්නේ, සිය සේවා අංශවල ගැටලු හා ඉල්ලීම් තම ආයතනයේ සෙසු සේවකයන්ගෙන් වෙන් කොට තබා ගැනීමේ ය; කම්කරු පංතියේ අවශේෂ කම්කරුවන්ගෙන් වෙන් කිරීමේ ය. අනධ්‍යයන සමිති විශ්ව විද්‍යාලයේ කථිකාචාර්යවරුන්ගේ හා ශිෂ්‍යයන්ගේ සහයෝගය ලබා නො ගැනීමෙන් එය ප්‍රකාශයට පත් කෙරුනි. එම කොන්දේසි යහමින් ගසාකන අනිකුත් සමිති ද සිය වගකීමෙන් පලායාමට එය ම යොදා ගනී. විශ්ව විද්‍යාලීය කථිකාචාර්යවරුන්ගේ වෘත්තිය සමිතිය අනධ්‍යන අරගලයට සහය නොදී රූටා යෑම මගින් එය පෙන්නුම් කෙරේ.  විශ්ව විද්‍යාල ප්‍රතිපාදන කොමිෂමේ සභාපති හමු වී සේවක ඉල්ලීම් ලබා දෙන ලෙස තමන් ආයාචනා කලේ යැයි කියමින් අන්තර්  විශ්ව විද්‍යාල ශිෂ්‍ය බල මන්ඩල නායකයෝ ද අනධ්‍යන අරගලය මඟ හැර ගියෝය. 

පෙරටුගාමි සමාජවාදී පක්ෂය, ජනතා විමුක්ති පෙරමුන හා  ඊනියා වාම සංවිධාන පතුරුවමින් සිටින්නේ, ධනපති ආන්ඩුවලට හා එහි ආයතනවල බලධාරීන්ට   බලපෑම් දමා නම්මා ගත හැකිය යන මාරක මිත්‍යාවයි. ධනපති ක්‍රමයට විකල්පයක් දැක ගත නොහැකි ව සිටින එබඳු  අවස්ථාවාදීහූ, ධනපති පිලිවෙත් යෝජනා කරමින් කම්කරු අරගල අනතුරට හෙලීමට උගුල් අදිති. දශක ගනනාවක් පුරා කම්කරු පන්තිය මේ ඛෙදවාචකය හරහා ගමන් කර ඇති අතර, අද දින ඔවුන් සමිති නායකත්වයන් දෙස බලන්නේ, එම අත්දැකීම් විසින් ජනිත බලගතු අවිශ්වාසයෙන් ද යුතුව ය.   

වැටුප් ,දීමනා ඇතුලු වැඩ කරන ජනයා දිනාගත් සුබසාධනයන් අතුගා දැමීමට  පිඹුරුපත් සකසා ගෙන සිටින ධනපති පාලක පංතියෙන් ස්වාධීන ව කම්කරු පංති  පිලිවෙතක්  මත සිය අයිතීන් රැක ගැනීමේ අරගලය සංවිධානය කිරීම තීරනාත්මක කාරනයක් වී ඇත්තේ මේ නිසා ය.

අධිරාජ්‍යවාදී මූල්‍ය අධිකාරියේ ප්‍රමුඛ ආයතනය වන ජාමූඅ ලංකාවේ පාලක පංතිය මෙහෙයවාගෙන ක්‍රියාවට දමන සංගත හිමියන්ගේ ආර්ථික සැලසුම් බැඳී තිබෙන්නේ අධිරාජ්‍යවාදී මුල්‍ය කතිපයාධීකාරයේ දුෂ්ඨ ලාභ අවශ්‍යතාවයන් සමග ය. ඊට එරෙහිව රටක් රටක් පාසා කම්කරුවන් හා පීඩිතයන් අතර වැඩෙන විරුද්ධත්වය ලංකාවේ පැන නැගෙන පංති අරගලය මගින් ප්‍රකාශයට පත්වෙන්නට පටන් ගෙන තිබේ.

ජාත්‍යන්තර මුල්‍ය අධිකාරියේ හා ලංකාවේ ධනපති පංතියේ ඒකාබද්ධ ප්‍රහාරයට මුහුන දීමට කම්කරු පන්තිය සමත් වන්නේ සිය පංතියේ ඒකාබද්ධ කාර්මික ශක්තිය දැනුවත් ව සංවිධාන කරගැනීමෙන් හා එම ශක්තිය සමාජවාදී ජාත්‍යන්තරවාදී පිලිවෙතක් තුල ක්‍රියාවේ යෙදවීමෙන් පමනෙකි. ආන්ඩුවේ ප්‍රහාරයට මුහුන දී සිටින කම්කරුවන් පටු ශ්‍රේනිවාදී හා භේදකාරී වෘත්තිය සමිති සීමාවන්ගෙන් කැඩී වෙන් වී ගත යුත්තේ එබැවිනි.  

කම්කරු පංතිය භේද කරන ධනපති දේශපාලනය ප්‍රතික්ෂේප කරමින්, ජාමූඅ නියෝග යටතේ ලංකාවේ පාලක පංතිය එල්ල කරන ප්‍රතිව්‍යුහගත සැලසුම් හා ඒ හරහා වේගවත් කරන වැටුප්, සුබසාධන හා රැකියා කප්පාදුවට එරෙහිව සමස්ත කම්කරු පංතියේ මහා වැඩ වර්ජනයක් සඳහා වූ දැනුවත් අරගලයකට අනධ්‍යයන සේවකයන් ඇතුලු කම්කරුවන් මූලිකත්වය ගත යුතුව ඇත. එය කල හැක්කේ ධනපති ආන්ඩු සමග සහයෝගය පවත්වන කම්කරු විරෝධී වෘත්තිය සමිතිවලින් ස්වාධීන වෙමින්, කම්කරු පංතිය තම කම්හල්වල, වතු, නිවහන් හා ගම්බද ප්‍රදේශයන්හී සටන් කමිටු ගොඩනැගීමට සිදු කරන අරගලය මඟිනි. සමාජවාදී ජාත්‍යන්තරවාදී නායකත්වය මගින් ඒවා මෙහෙයවනු ලැබිය යුතුය. ධනපති පක්ෂ හා ධනපති ඒජන්තයන්ගේ පිලිවෙත් ප්‍රතික්ෂේප කරමින්, එකී කමිටු වැඩ කරන මහජනයාගේ අව්‍යාජ අවශ්‍යතා නියෝජනය කරන ප්‍රජාතන්ත්‍රවාදී බල සංස්ථා බවට පත් කර ගත යුතු වේ.

* පුද්ගලිකරනය නතර කරනු ! රැකියා, වැටුප් හා සුබසාධන කප්පාදුව නතර කරනු !

*ජාමූඅ හා ලෝක බැංකු සැලසුම් ප්‍රතික්ෂේප කරනු ! 

*මහජනයා මත පටවන විදේශ  නය අහෝසි  කරනු !

විශ්ව විද්‍යාල අනධ්‍යන සේවක වර්ජනය මාසය ඉක්මවයි Read More »

A November 5, 2023 rally

ඊශ්‍රායල යුද අපරාධකරු නෙතන්යාහු සදහා  කල  ද්විපාර්ශ්වික කොන්ග්‍රස් ආරාධනයට විරෝධය පිනිස වොෂින්ටන් ඩීසී හි මහජන උද්ඝෝෂනයක් සඳහා

ඉදිරි දර්ශනය 

ඊශ්‍රායල් සමූල ජනඝාතක යුද්ධය තව දුරටත් තීව්‍ර කරමින් ගාසා වැසියන් 274 ක් ඝාතනය කරයි

ලෝක සමාජවාදී වෙබ් අඩවි කර්තෘ මන්ඩලයේ ප්‍රකාශය

ජුනි 10, 2024

මෙහි පලවන්නේ ලෝක සමාජවාදී වෙබ් අඩවියේ 2024 ජුනි 10 දින පල වූ ‘For a mass demonstration on July 24 in Washington D.C. to protest congressional invitation for Netanyahu’ යන හිසින් කල ප්‍රකාශයේ  සිංහල පරිවර්තනය යි. පරිවර්තනය සුනිල් ප්‍රනාන්දු විසිනි.

සෙනසුරාදා, ඊශ්‍රායල හමුදා විසින් සමස්ත සමූල ජනඝාතනය තුලම සිදු කල ජන සංහාර අතරින් තවත් එක් ඉතා බිහිසුනු ක්‍රියාවක් සිදු කරන ලදී. මධ්‍යම ගාසා තීරයේ නුසෙයිරාට් සරනාගත කඳවුරට එල්ල කල ප්‍රහාරයෙන් පුද්ගලයන් 274 දෙනෙකු මරා දැමූනි. මියගිය සංඛ්‍යාවට අවම වශයෙන් ලමුන් 64 ක්, කාන්තාවන් 57 ක් සහ වැඩිහිටි පුද්ගලයින් 37 ක් ඇතුලත් වේ. තවත් 680 දෙනෙකු තුවාල ලබා ඇත. 

A November 5, 2023 rally
2023 නොවැම්බර් 5 වන දින ගාසා සමූල ජන  සංහාරයට එරෙහිව වොෂින්ටන් ඩී.සී.හි

2023 නොවැම්බර් 5 වන දින ගාසා සමූල ජන  සංහාරයට එරෙහිව වොෂින්ටන් ඩී.සී. හිසහන සේවකයන් ලෙස වෙස්වලාගෙන සිටි ඊශ්‍රායල හමුදා වෙඩි තබමින් කඳවුර පුරා වැටලීම් මාලාවක් සිදු කලහ. මෙම සංහාරය “ප්‍රාන ඇපකරුවන් මුදාගැනීමේ” මෙහෙයුමක් ලෙස පෙනෙන පරිදි සිදු කරන ලදී. කෙසේ වෙතත්, බේරාගත් සෑම ප්‍රාන ඇපකරුවෙකු සඳහාම, විශේෂිතව ඊශ්‍රායල ප්‍රාන ඇපකරුවන් තිදෙනෙකු සහ එක් එක්සත් ජනපද පුරවැසියෙකු ඇතුලුව, පුද්ගලයන් 68 දෙනෙකු බිහිසුනු ලෙස ඝාතනය කරන ලදී.

වොෂින්ටන් ඩී.සී.හි කොංග්‍රසයේ ඒකාබද්ධ සැසියක් ඇමතීමට ඊශ්‍රායල අගමැති බෙන්ජමින් නෙතන්යාහුට ජූලි 24 වැනි දින කොන්ග්‍රසයේ සභා දෙකේම නායකයින් දින නියම කර ගත්  දින කිහිපයකට පසුව මෙම සංහාරය සිදු විය. එය,  දෙවන ලෝක යුද්ධ සමය තුල හොලොකෝස්ටයෙ හි උච්චතම අවස්ථාවෙහි දී  හිට්ලර්ට කතා කිරීමට ආරාධනා කිරීම හා සමානය. . 

ලෝක සමාජවාදී වෙබ් අඩවිය, නෙතන්යාහුගේ පැමිනීමට සමගාමීව වොෂින්ටන් ඩී.සී.හි මහජන උද්ඝෝෂනයකින් ප්‍රතිචාර දක්වන ලෙස කම්කරුවන්ගෙන් හා තරුනයන්ගෙන් ඉල්ලා සිටී. කෙසේ වෙතත්, මෙම උද්ඝෝෂනයේ අරමුන හුදෙක් නෙතන්යාහුට විරෝධය දැක්වීම නොව, සමූල ජනඝාතනය මෙහෙයවීම, මූල්‍යකරනය, සන්නද්ධ කිරීම සහ දේශපාලනිකව යුක්ති සහගත කිරීම සම්බන්ධයෙන් ඇමරිකානු අධිරාජ්‍යවාදයේ සහ සමස්ත දේශපාලන සංස්ථාපිතයේ භූමිකාව පිලිබද වය. 

“එක්සත් ජනපද නියෝජිත මන්ත්‍රී මන්ඩලයේ සහ එක්සත් ජනපද සෙනෙට් සභාවේ ද්විපාර්ශ්වික නායකත්වය” විසින් අත්සන් කරන ලද නෙතන්යාහු ආරාධනය, එක්සත් ජනපදයේ සහ ලොව පුරා ගාසා තීරයේ සමූල ජනඝාතන එරෙහි මහජන විරෝධයට එදිරිව කල  දේශපාලන ප්‍රකෝප කිරීමකි. එය ජාත්‍යන්තර යුද අපරාධ අධිකරනයේ ඉහලම අභිචෝදකයා විසින් චෝදනා කරනු ලැබූ මිනීමරුවෙකුට දේශපාලන සහ සදාචාරාත්මක සහයෝගීතාව ප්‍රකාශ කිරීමකි. 

ඒ අතරම, ආරාධනය ඇමරිකානු රජය සහ ඊශ්‍රායල පාලනය අතර සැබෑ සම්බන්ධය හෙලිදරව් කරයි. එය ප්‍රගති වාර්තාවකට සම වැන්නක් ලබා දෙන ලෙස නෙතන්යාහුගෙන් ඉල්ලා සිටීමකි. “ප්‍රජාතන්ත්‍රවාදය ආරක්ෂා කිරීම, ත්‍රස්තවාදයට එරෙහිව සටන් කිරීම සහ කලාපය තුල සාධාරන සහ කල්පවත්නා සාමයක් ඇති කිරීම සඳහා ඊශ්‍රායල් රජයේ දැක්ම බෙදා ගැනීමට අපි ඔබට ආරාධනා කරනවා,” එය සඳහන් කරයි. 

ඊශ්‍රායල පාලන තන්ත්‍රය “ත්‍රස්තවාදයට එරෙහිව සටන් කරන්නේ” නොවේ. එය සමස්ත ජනතාවක් සමූල ඝාතනය කරමින් සිටී, එමෙන්ම  එය  එක්සත් ජනපද හා යුරෝපීය අධිරාජ්‍යවාදයේ මෙවලමක් ලෙස එසේ කරමින් සිටී. 

ඇත්ත වශයෙන්ම, සෙනසුරාදා සමූලඝාතනය සිදු වූයේ එක්සත් ජනපද හමුදාවන්ගේ සෘජු මැදිහත්වීමෙනි. ඊශ්‍රායලයේ භූමියේ යොදවා සිටින එක්සත් ජනපද හමුදා නිලධාරීන් ප්‍රහාරය සඳහා “බුද්ධි සහ අනෙකුත් සහාය” සැපයූ බව නිව් යෝර්ක් ටයිම්ස් සනාථ කල අතර පලස්තීන මූලාශ්‍ර කියා සිටියේ ඊශ්‍රායල හමුදා සැඟවී සිටි සහනාධාර වාහනය කලින් දවසේ ස්ථාන ගත කල එක්සත් ජනපදය විසින් සාදන ලද “මානුෂීය” ජැටියෙන් ගොඩ බෑ බවයි. .

“මෙතරම් සිවිල් වැසියන් සංඛ්‍යාවක් මිය ගියත්, මේ ආකාරයෙන්ම තවත් මෙහෙයුම් සිදු කිරීමට ඊශ්‍රායලයට එක්සත් ජනපදය සහාය දෙනවාද?” යනුවෙන් ඇසූ විට ජාතික ආරක්ෂක උපදේශක ජේක් සලිවන් ප්‍රකාශ කලේ, “එය කිරීමට අපි ඊශ්‍රායලය සමඟ දිගටම කටයුතු කරන්නෙමු.” 

නෙතන්යාහුට ආරාධනා කිරීම මගින් ඇමරිකානු දේශපාලන සංස්ථාපිතය පැහැදිලි කරන්නේ ඊශ්‍රායල පාලන තන්ත්‍රයට මරා දැමීමට ඉඩ දී ඇති පලස්තීනුවන් සංඛ්‍යාවට “රතු ඉරි” නැති බවයි. මරන සංඛ්‍යාව මේ වන විට 50,000ට ආසන්නය. සමූහ සාගින්න මගින්ද  ඇතුලුව ලක්ෂ ගනනින් මරා දැමිය හැකි වුවද, එය එක්සත් ජනපද සහයෝගයට බලපානු නැත. 

විරෝධතාවයට සහභාගී වීම සඳහා නියෝජිත කන්ඩායම් සංවිධානය කරන ලෙස ලෝසවෙඅ සියලුම කර්මාන්තශාලා සහ අනෙකුත් වැඩපලවල කම්කරුවන්ගෙන් ඉල්ලා සිටී. ජුලි 24 විරෝධතාවය සදහා වොෂින්ටන් ඩීසී යට පැමිනෙන මේන්  ශිෂ්‍යයන්ගෙන් සහ තරුනයන් ගෙන් අප ඉල්ලා සිටිමු. 

මෙම පෙලපාලියේ අරමුන යුද අපරාධකරුවන්ගේ තීරන වෙනස් කිරීමට පෙලඹවීම නොවේ. ඔවුන් එසේ කරනු නැත. එය අධිරාජ්‍යවාදී යුද්ධයට එරෙහි අව්‍යාජ මූලෝපායක පදනම මත බලගතු යුද විරෝධී ව්‍යාපාරයක් ආරම්භ කිරීමට ය.

මෙම මූලෝපාය පහත සඳහන් මූලධර්ම මත පදනම් විය යුතුය: 

පලමුව, ගාසා සමූල ජන සංහාරය, රුසියාවට සහ චීනයට එරෙහිව තීව්‍ර වන එක්සත් ජනපද යුද්ධයක තීරනාත්මක කොටසක් වන, එක්සත් ජනපදයේ නායකත්වයෙන් යුත් ලෝක අධිරාජ්‍යවාදයේ ගෝලීය පිපිරීම සමග වෙන් කල නොහැකි ලෙස සම්බන්ධ වී ඇත . 

නෙතන්යාහු වෙත ආරාධනය සිදු වන්නේ, නේටෝ බලවතුන් සෘජු සහභාගිවන්නන් ලෙස යුද්ධයට අවතීර්න වෙමින් සිටින යුක්‍රේනයේ යුද්ධයේ විශාල තීව්‍රවීමක් මධ්‍යයේ ය. නේටෝ ආයුධ භාවිතා කරමින් රුසියාව තුල ප්‍රහාර එල්ල කිරීමට තමන් යුක්‍රේනයට බලය පවරා ඇති බව පසුගිය සතියේ බයිඩන් නිවේදනය කල අතර ප්‍රංශ ජනාධිපති එමානුවෙල් මැක්‍රොන් යුක්‍රේනයට හමුදා එවනු ඇති රටවල සභාගයක් පිහිටුවීමට කටයුතු කරන බව ප්‍රකාශ කලේය.

ගාසා තීරයේ ජන සංහාරයට පිටුබලය දෙන එම ආන්ඩුම යුක්රේනයේ ප්‍රොක්සි ( නියෝජක) තන්ත්‍රය සන්නද්ධ කරති. එක්සත් ජනපදය හා එහි සහචරයින් ජන සංහාරයට විරෝධය පානා දහස් ගනනක් මිනිසුන් අත්අඩංගුවට ගැනීම අධීක්‍ෂනය කර ඇති පරිදිම, අමු ෆැසිස්ට්වාදීන්ගෙන් සමන්විත යුක්‍රේන ආන්ඩුව, යුක්‍රේනයේ සහ රුසියාවේ ධනේශ්වර පාලන තන්ත්‍රවල සහ යුද්ධයේ සමාජවාදී විරුද්ධවාදියෙකු වන බොග්ඩන් සිරොටියුක් අත්අඩංගුවට ගෙන ඇත. 

දෙවනුව, යුද්ධයට එරෙහි ව්‍යාපාරයක් කම්කරු පන්තිය තුල පදනම් විය යුතුය. 

යුද්ධයේදී සටන් කර මිය යන්නේ කම්කරු පන්තිය වන අතර ඒ සඳහා ගෙවීමට බල කෙරෙනු ඇත්තේද කම්කරු පන්තියට ය. යුද්ධය නිපදවන එම ධනේශ්වර අර්බුදය, අසමානතාවයට, දරිද්‍රතාවයට සහ වැටුප්, රැකියා, සෞඛ්‍ය සේවා, අධ්‍යාපනය සහ කම්කරු පන්තියේ සියලු සමාජ අයිතීන්ට එරෙහි ප්‍රහාරයන්ට එරෙහිව වැඩෙන අරගලවල ස්වරූපයෙන්, යුද්ධය අවසන් කිරීමේ පදනම ද නිෂ්පාදනය කරයි.

තුන්වනුව, යුද්ධයට එරෙහි ව්‍යාපාරය ධනේශ්වර පන්තියේ සියලුම දේශපාලන පක්ෂ හා සංවිධාන වලින් සම්පූර්නයෙන්ම ස්වාධීන සහ සතුරු විය යුතුය. 

බයිඩන් පරිපාලනය සහ ඩිමොක්‍රටික් පක්ෂය මුල සිටම සෘජුව සම්බන්ධ වී ඇත. පසුගිය සතියේ, 2024 මැතිවරනයේදී බයිඩන් ගේ රිපබ්ලිකන් විරුද්ධවාදියා, ඩොනල්ඩ් ට්‍රම්ප්, “ඊශ්‍රායලය කාර්යය අවසන් කල යුතුය” යනුවෙන් ප්‍රකාශ කලේය. ඩිමොක්‍රටික් සහ රිපබ්ලිකානුවන් සමූල ජන සංහාරය සන්නද්ධ කිරීමට සහ එයට එරෙහි විරුද්ධත්වය “යුදෙව්-විරෝධී” ලෙස අවලාද නැගීමේ දී අත්වැල් බැඳගෙන ඇත.

ඔවුන් විදේශයන්හි යුද්ධය තීව්‍ර කරද්දී, පාලක ප්‍රභූ පැලැන්තිය පැසිස්ට්වාදී හා ආඥාදායක පාලන ආකාරවලට වඩා විවෘතව හැරෙමින් සිටිති. මෙය සංගත හා මූල්‍ය කතිපයාධිකාරයේ පිලිවෙත් කෙරෙහි කම්කරු පන්තියේ සියලු විරුද්ධත්වයන් වෙත එල්ල කෙරෙයි. 

හතරවනුව, සමූල ජන සංහාරයට එරෙහි සහ යුද්ධයට එරෙහි ව්‍යාපාරයක් ජාත්‍යන්තර විය යුතු අතර, සෑම රටකම සහ සෑම මහාද්වීපයකම කම්කරුවන් ඔවුන්ගේ පොදු පන්ති අවශ්‍යතා පදනම මත එක්සත් කල යුතුය. 

පලමු ලෝක සංග්‍රාමය හා දෙවන ලෝක යුද්ධය මෙන්ම උත්සන්න වන ගෝලීය යුද්ධය පැන නගින්නේ ලෝක ධනේශ්වර ක්‍රමයේ ප්‍රතිවිරෝධතා තුලිනි. නව ගෝලීය ගිනි ගැනීමක් වැලැක්විය හැක්කේ, සමාජයේ සියලු ධනය නිපදවන, එබැවින් ධනේශ්වර පාලක ප්‍රභූවන්ගේ කුමන්ත්‍රනවලට විරුද්ධ වීමට සමාජ හා ආර්ථික බලය ඇති ගෝලීය කම්කරු පන්තිය බලමුලු ගැන්වීම හරහා පමනි.

පස්වනුව, යුද්ධයේ මූලික හේතුව වන මූල්‍ය ප්‍රාග්ධනයේ ආඥාදායකත්වය සහ ආර්ථික ක්‍රමය අවසන් කිරීමේ සටන හැර යුද්ධයට එරෙහි බරපතල අරගලයක් තිබිය නොහැකි බැවින් යුද්ධයට එරෙහි සටන ධනේශ්වර විරෝධී හා සමාජවාදී විය යුතුය.

ඔවුන්ගේ අවශ්‍යතා සහ ධනේශ්වර ලාභ පද්ධතිය ආරක්ෂා කිරීම සඳහා, සංගත හා මූල්‍ය කතිපයාධිකාරය මනුෂ්‍ය වර්ගයා අගාධයක් කරා ඇදගෙන යමින් සිටී. පාලක පන්තියේ නොනවතින යුද්ධයට පිලිතුරු දිය යුත්තේ කම්කරු පන්තියේ නොනවතින විප්ලවයේ ඉදිරිදර්ශනයෙනි, එහි මූලෝපායික ඉලක්කය ජාතික රාජ්‍ය පද්ධතිය අහෝසි කිරීම හා ලෝක සමාජවාදී සම්මේලනයක් පිහිටුවීමයි.

ඊශ්‍රායල යුද අපරාධකරු නෙතන්යාහු සදහා  කල  ද්විපාර්ශ්වික කොන්ග්‍රස් ආරාධනයට විරෝධය පිනිස වොෂින්ටන් ඩීසී හි මහජන උද්ඝෝෂනයක් සඳහා Read More »

Bogdan

Free  Bogdan Zyrotyuk, arrested by the fascistic Ukrainian regime!

May 31, 2024, 

Editorial statement of theSocialist.lk 

 The leader of the Young Guard of Bolshevik Leninists (YGBL), a Socialist, Trotskyist organization operating in Ukraine, Russia and the former Soviet Union, was arrested on April 25 by the SBU – the state security service of the fascistic Zelensky regime – and detained in a maximum security prison in the southern Ukrainian city of Nikolaev (Mykolaiv).

thesocialist.lk claims that he was arrested for his leading role in the campaign by the International Committee of the Fourth International (ICFI) and the World Socialist Web Site (WSWS) against the criminal war of NATO imperialism and calls for his immediate release and the withdrawal of criminal charges made against him.

Insisting that this arrest is a usurpation of the democratic right of the working class to stand up against the scourge of war, we call on workers, youth, and oppressed people around the world to come forward to free Bogdan and to defend the political rights of the WSWS by defeating this attack. 

Bogdan has been charged primarily with treason, for which the 25-year-old Bogdan is in danger of being sentenced to life in prison. The basis of this accusation is that for the past two years, Bogdan was “engaged in the preparation of publications commissioned by representatives of a Russian propaganda and information agency, the World Socialist Web Site [emphasis added.]

In bringing this absurd charge against the WSWS, they conveniently ignore the analytical critiques of comrade Bogdan and the World Socialist Web Site regarding the Russian capitalist regime’s invasion of Ukraine. Bogdan, who advocated the opinion of the International Committee of the Fourth International (ICFI) in this regard, that the bankrupt Russian capitalist class had no other choice but to fall into the trap of the world war plans of the imperialists in the face of the imperialist pressure brought on by surrounding its borders day by day, insisted that only the unity of the international working class can defeat the cruel war plans of imperialism.

The target of this repression against Comrade Bogdan is the internationalist resistance against war—the geopolitical strategy of imperialism. It is no coincidence that the WSWS is a target of the Ukrainian security service. This attack is directed not only at the WSWS but also at the socialist internationalist alternative to imperialist war.

The arrest of Comrade Bogdan is an indication of the wider crisis of not only the Ukrainian fascist regime, which has been at war with Russia for more than two years as a puppet of the NATO imperialists, but also the NATO imperialists, who are sponsoring the war by pumping money and arms behind them. The tension of the entire world capitalist order, squeezed by the already ripened antagonisms between globalised production and the world market and the capitalist nation-state system that dominates it, is characterised by unprecedented social inequality and the cracking up of the whole post-World War II  order— systems of governance, international conventions, intergovernmental organisations and borders. The result is the rapid pull towards a world war by all the imperialist powers. This situation has led to a situation where the spectre of the socialist revolution is terrorising imperialism. This is why the imperialists and capitalist regimes want to crush democratic rights completely. The ruling class of Sri Lanka is being driven rapidly towards anti-democratic dictatorial plans by these very conditions of the crisis, which provides the backdrop to the war effort of the imperialists.

American imperialism, which has virtually been at war every day for more than three decades, is now leading NATO on a desperate march towards a global thermonuclear war. It is at war with Russia using the Ukrainian cat’s paw, providing weapons, funds, and diplomatic support for the genocide crimes of the Netanyahu fascist regime of  Israel in the Middle East. It is working to outlaw the protests and arrest the protesters—workers and students—for those crimes. In Ukraine, the US ruling class headed by Joe Biden and NATO are working to arm the Zelenskiy regime, which is openly violating human rights, as admitted by a bureau of the  U.S. State Department itself. They are giving the Ukrainian regime the ability to drop missiles on the Russian public, hence creating the potential for massive civilian casualties. The aim is to provoke Russia into a thermonuclear war.  

These conditions have thrown all pseudo-leftist projects of applying pressure on imperialism and the capitalist system and of seeking refuge in capitalist ‘justice’ and ‘peace’, into crisis. Objective conditions are increasing for the potential to convince the working class that the only way to prevent genocide and war is to mobilise the working class all over the planet from an internationalist socialist perspective. It is under these circumstances that the watchdogs of imperialism jump in to attack Comrade Bogdan and the WSWS.

Thus, it is apparent that standing up against the arrest of Comrade Bogdan is not simply for the democratic rights and freedom of a socialist in a distant land. Instead, it is a necessity of the day-to-day struggle of the workers, the oppressed, students, and young people across the globe facing challenges to their lives and livelihoods. Defeating this reactionary attack is a burning need for the oppressed and the workers.

We call upon the workers in Sri Lanka, in the South Asian region, and in the entire world to mobilize struggles by organizing discussions, meetings, campaigns, strikes, and various other class actions against this arrest by taking such campaigns to the students, workers and the oppressed. Furthermore, we call upon all our readers to sign the petition posted on Change.org demanding the release of Comrade Bogdan.

[This statement was originally posted in Sinhalese on May 31, 2024]

Stop the political frame-up of Ukrainian socialist Bogdan Syrotiuk!

Demand the  release of  Bogdan Syrotyuk, socialist opponent of NATO’s indirect war, from Ukrainian prison – David North

Free  Bogdan Zyrotyuk, arrested by the fascistic Ukrainian regime! Read More »

Bogdan

යුක්‍රේන ෆැසිස්ට්වාදී ආන්ඩුව විසින් අත්අඩංගුවට ගැනුනු බොග්ඩාන් සයිරොටියුක් වහා නිදහස් කරනු!

theSocialist.lk කර්තෲ මන්ඩල ප්‍රකාශය

යුක්‍රේනය, රුසියාව ඇතුලු පැරැනි එක්සත් සෝවියට් සමාජවාදී සමූහාන්ඩුවට අයත් ව තිබූ ප්‍රදේශවල ක්‍රියාත්මක වන සමාජවාදී, ට්‍රොට්ස්කිවාදී සංවිධානයක් වන බෝල්ෂෙවික් ලෙනින්වාදීන්ගේ තරුන රැකවල (YGBL) සංවිධානයේ නායක බොග්ඩාන් සයිරොටියුක් පසුගිය අප්‍රේල් 25 වන දින ෆැසිස්ට්වාදී සෙලෙන්ස්කි තන්ත්‍රයේ රාජ්‍ය ආරක්ෂක සේවය වන SBU ව විසින් අත් අඩංගුවට ගනු ලැබ දකුනු යුක්‍රේනයේ නිකොලයෙව් නගරයේ අධි ආරක්ෂක සිර ගෙයක රඳවා ඇත.  අත්අඩංගුවට ගෙන ඇත්තේ නැටෝ අධිරාජ්‍යවාදයේ සාපරාධී යුද්ධයට එරෙහිව හතරවැනි ජාත්‍යන්තරයේ ජාත්‍යන්තර කමිටුව හා ලෝක සමාජවාදී වෙබ් අඩවිය (ලෝසවෙඅ) විසින් ගෙන යනු ලබන උද්ඝෝෂනය තුල ඔහු ඉටු කරමින් සිටි ප්‍රමුඛ ක්‍රියා කලාපය නිසා බව කියා සිටින thesocialist.lk වෙබ් අඩවිය, ඔහු වහා නිදහස් කරන ලෙසත්, ඔහුට එරෙහි සාපරාධී චෝදනා හකුලා ගන්නා ලෙසත් ඉල්ලා සිටී. මෙම අත්අඩංගුවට ගැනීම යුද ව්‍යසනයට එරෙහිව නැඟී සිටීමට කම්කරු පන්තියට ඇති ප්‍රජාතන්ත්‍රවාදී අයිතිය පැහැර ගැනීමක් ලෙස අවධාරනය කරන අපි, බොග්ඩාන් නිදහස් කර ගැනීමට ද, ලෝසවෙඅ වෙබ් අඩවියට එල්ල කර ඇති ප්‍රහාරය පරාජය කරමින් එහි දේශපාලන අයිතීන් රැකීමට ද ඉදිරිපත් වන ලෙස, ලොව පුරා කම්කරුවන්, පීඩිතයන් හා තරුනයන්ගෙන් ඉල්ලා සිටිමු. 

බොග්ඩාන්ට එරෙහිව ප්‍රමුඛ වශයෙන් රාජද්‍රෝහී චෝදනා නඟා ඇති අතර, එම චෝදනාව මත 25 හැවිරිදි බොග්ඩාන්ට ජීවිතාන්තය තෙක් සිර දඬුවම ලබා දීමේ අනතුර පවතී. මෙම චෝදනාවේ පදනම ලෙස සඳහන් කෙරෙන්නේ බොග්ඩාන් පසුගිය දෙවසර පුරා “ලෝක සමාජවාදී වෙබ් අඩවිය නම් රුසියානු ප්‍රචාරක හා තොරතුරු ඒජන්සියක නියෝජිතයන් විසින් පවත්වා ගෙන යනු ලබන ප්‍රකාශනයක පල කිරීම් සූදානම් කිරීමේ නියැලී සිටි” බවයි.

මේ අභූත චෝදනාව ලෝසවෙඅට එරෙහිව ගෙන ඒමේ දී ඔවුහු රුසියානු ධනපති තන්ත්‍රය යුක්‍රේනය ආක්‍රමනය කිරීම සම්බන්ධයෙන් බොග්ඩාන් සහෝදරයා ද, ලෝක සමාජවාදී වෙබ් අඩවිය ද ගෙන එන ලද විශ්ලේෂනාත්මක විවේචන ස්වකීය පහසුව තකා නොසලකා හරිති. හජාජාකය මේ සම්බන්ධයෙන් දරන ලද මතය වෙනුවෙන් පෙනී සිටි බොග්ඩාන්, දිනෙන් දින ස්වකීය දේශසීමා වට කරමින් යොදන ලද අධිරාජ්‍යවාදී පීඩනය හමුවේ, එකී අධිරාජ්‍යවාදීන්ගේ ලෝක යුද්ධ සැලසුම් උගුලට ම ගෙල තැබීම විනා අන් මඟක් බංකොලොත් රුසියානු ධනපති පන්තියට නොතිබූ බව අවධාරනය කරමින්, අධිරාජ්‍යවාදයේ කුරිරු යුද සැලසුම් පරාජය කල හැකි එකම බලවේගය වන ජාත්‍යන්තර කම්කරු පන්තියේ ඒකාබද්ධතාවය සඳහා සටන් කලේය.

බොග්ඩාන් සහෝදරයාට එරෙහි මෙම මර්දනයේ ඉලක්කය වන්නේ අධිරාජ්‍යවාදයේ භූ දේශපාලන මූලෝපායය වන යුද්ධයට එරෙහි ජාත්‍යන්තරවාදී ප්‍රතිරෝධයයි. ලෝසවෙඅ යුක්‍රේන ආරක්ෂක සේවයේ ඉලක්කයක් වීම කිසිසේත් අහම්බයක් නොවේ. මේ ප්‍රහාරය එල්ල වී ඇත්තේ හුදෙක් ලෝසවෙඅ වෙත පමනක් නොව, අධිරාජ්‍යවාදී යුද්ධයට ප්‍රතිවිරුද්ධ සමාජවාදී ජාත්‍යන්තරවාදී විකල්පය වෙත ම ය.

බොග්ඩාන් සහෝදරයා අත් අඩංගුවට ගැනීම මඟින් පෙන්නුම් කෙරෙන්නේ, නැටෝ අධිරාජ්‍යවාදීන්ගේ බලල් අතක් ලෙස වසර දෙකක් ඉක්මවා ගිය කාල පරිච්ඡේදයක් පුරා රුසියාව සමඟ යුද්ධයක පැටලී සිටින යුක්‍රේන ෆැසිස්ට් තන්ත්‍රයේ හා ඔවුන් පසුපස හිඳ යුද්ධයට මුදල් හා ආයුධ පොම්ප කරමින් අනුග්‍රාහකත්වය ලබා දෙන නැටෝ අධිරාජ්‍යවාදීන්ගේ ඉහවහා ගිය අර්බුදයයි. ගෝලීය නිෂ්පාදනය හා ලෝක වෙලඳපොල ද, ඒ මත ආධිපත්‍යය දරා සිටින ධනපති ජාතික රාජ්‍ය පද්ධතිය ද අතර මෝරා ගිය ප්‍රතිවිරෝධයන්ගේ ආතතිය විසින් මිරිකා දමනු ලබන සමස්ත ලෝක ධනපති පර්යායේ අර්බුදය සංලක්ෂනය වී ඇත්තේ, පෙර නො ඇසූ විරූ සමාජ අසමානතාවයකින් හා පශ්චාත් දෙවැනි ලෝක යුද්ධ සමයේ ගොඩ නංවන ලද සමස්ත පර්යාය – පාලන ක්‍රම, ජාත්‍යන්තර සම්මුති, අන්තර් රාජ්‍ය සංවිධාන හා දේශසීමා – මුලුමනින් ඉරි තලා යවමින් අධිරාජ්‍යවාදී බලයන් ලෝක යුද්ධයක දිශාවට වේගයෙන් ඇද දමීමකිනි. මේ තතු මඟ පාදා ඇත්තේ, සමාජවාදී විප්ලවයේ අවතාරය අධිරාජ්‍යවාදීන් තුල සන්ත්‍රාසය දනවමින් මතු වීමේ තත්වයකට ය. එය මඟ පාදා ඇත්තේ ප්‍රජාතන්ත්‍රවාදී අයිතීන් මුලුමනින් තලා දැමීම කරා අධිරාජ්‍යවාදීන් ද, ධනපති පාලකයන් ද මෙහෙයවීම කරා ය. ලංකාවේ පාලක පන්තිය ප්‍රජාතන්ත්‍ර විරෝධී ආඥාදායක සැලසුම් කරා වේගවත්ව එලවා දමන්නේ ද, අධිරාජ්‍යවාදීන්ගේ යුද ප්‍රයත්නයට පසුබිම් වී ඇති එකී අර්බුදයේ කොන්දේසි විසින් ම ය.

දශක තුනකට වැඩි කාලයක් පුරා සෑම දිනක ම යුද වැදී සිටි ඇමරිකානු අධිරාජ්‍යවාදය දැන් නැටෝව මෙහෙයවා ගනිමින් ලෝක තාප න්‍යෂ්ටික යුද්ධයක් කරා යන මංමුලා සහගත ගමනේ පියවරෙන් පියවර ඉදිරියට තබමින් සිටී. යුක්‍රේන බලල් අත යොදා ගනිමින් රුසියාව සමඟ යුද වැදී සිටින එය, මැද පෙරදිග දී ඊශ්‍රායලයේ නෙතන්යාහු ෆැසිස්ට් තන්ත්‍රයේ  සමූලඝාතක අපරාධවලට ආයුධ, මුදල් හා රාජ්‍ය තාන්ත්‍රික සහාය පුදමින්, එම අපරාධවලට එරෙහිව නැඟෙන කම්කරු, ශිෂ්‍ය උද්ඝෝෂන නීති විරෝධී කිරීමටත්, උද්ඝෝෂකයන් අත්අඩංගුවට ගැනීමටත් කටයුතු කරමින් සිටී. යුක්‍රේනයේ දී, ඇමරිකානු රාජ්‍ය දෙපාර්තමේන්තුවේ කාර්යාංශයක් විසින් ම පිලි ගෙන ඇති පරිදි මානව හිමිකම් මැඩීමට කටයුතු කරමින් සිටින සෙලෙන්ස්කි තන්ත්‍රයට එකී මර්දනයට අවශ්‍ය ආම්පන්න සැපයීමට ජෝ බයිඩන් ඇතුලු පාලක පන්තිය කටයුතු කරන අතර, එය, විශාල සිවිල් ජීවිත හානි සිදුවිය හැකි පරිදි රුසියානු ජනයාගේ හිස මත මිසයිල පතිත කිරීමේ විභවය යුක්‍රේන තන්ත්‍රයට ලබා දෙමින්, තාප න්‍යෂ්ටික යුද්ධයකට රුසියාව ප්‍රකෝප කිරීම සඳහා ක්‍රියා කරමින් සිටී.  

මේ තතු විසින් අධිරාජ්‍යවාදයට හා ධනේශ්වර ක්‍රමයට බලපෑම් දැමීමේ හා ධනපති ‘යුක්තියේ’ හා ‘සාමයේ’ සරන පැතීමේ සියලු ව්‍යාජ වාම ව්‍යාපෘති අර්බුදයට යැවී ඇති අතර, ජනඝාතන හා යුද්ධය වැලැක්වීමේ ඒකායන මාර්ගය වන්නේ ජාත්‍යන්තරවාදී සමාජවාදී ඉදිරි දර්ශනයක් මත ලෝක කම්කරු පන්තිය බලමුලු ගැන්වීම බව වඩවඩාත් ඒත්තු ගැන්විය හැකි වෛෂයික කොන්දේසි ඉස්මතු වී තිබේ. අධිරාජ්‍යවාදීන්ගේ මුර බල්ලන් බොග්ඩාන් සහෝදරයා හා ලෝසවෙඅ වෙත කඩා පනින්නේ එම තතු තුල ය.

මේ අනුව පෙනී යන්නේ, බොග්ඩාන් සහෝදරයා අත්අඩංගුවට ගැනීමට එරෙහිව නැඟී සිටීම හුදෙක් දුරුකතරක පිහිටි දේශයක සමාජවාදියෙකුගේ ප්‍රජාතන්ත්‍රවාදී අයිතිය හා නිදහස වෙනුවෙන් නැඟී සිටීමක් නොව, සමස්ත ලෝක ගෝලය පුරා කම්කරුවන්, පීඩිතයන්, ශිෂ්‍යයන් හා තරුන ජනයා මේ මොහොතේ තමන්ගේ ජීවිතවලට එල්ල වී ඇති අභියෝගවලට මුහුන දීමේ දෛනික පන්ති අරගලයේ ම අවශ්‍යතාවයක් වන බවයි. මේ ප්‍රතිගාමී ප්‍රහාරය පරාජය කිරීම කම්කරු පීඩිතයන්ගේ දැවෙන අවශ්‍යතාවයකි.

මෙම  අත්අඩංගුවට ගැනීමට එරෙහිව සාකච්ඡා, රැස්වීම්, උද්ඝෝෂන, ස්ට්‍රයික් සටන් හා විවිධ පන්ති ක්‍රියා සංවිධානය කරමින් කම්කරු අරගල බලමුලු ගන්වන ලෙසත්, ශිෂ්‍යයන් හා පීඩිතයන් අතරට එම උද්ඝෝෂන රැගෙන යන ලෙසත් අපි ලංකාවේ ද, දකුනු ආසියානු කලාපයේ ද, සමස්ත ලෝකයේ ම ද කම්කරුවන්ගෙන් ඉල්ලා සිටිමු. තව ද, බොග්ඩාන් සහෝදරයා නිදහස් කරන ලෙස ඉල්ලා Change.org හි පල කර ඇති පෙත්සමට අත්සන් තබන ලෙස අපි අපේ සියලු පාඨකයන්ගෙන් ඉල්ලා සිටිමු.

Stop the political frame-up of Ukrainian socialist Bogdan Syrotiuk!

බොග්ඩාන් සයිරොටියුක්, නැටෝවේ වක්‍ර යුද්ධයේ සමාජවාදී විරුද්ධවාදියා, යුක්‍රේන සිරකඳවුරෙන් නිදහස් කරන ලෙස බල කර සිටිනු – ඩේවිඩ් නෝර්ත්

යුක්‍රේන ෆැසිස්ට්වාදී ආන්ඩුව විසින් අත්අඩංගුවට ගැනුනු බොග්ඩාන් සයිරොටියුක් වහා නිදහස් කරනු! Read More »

sunil

Demand the release of Bogdan Syrotiuk, socialist opponent of NATO’s proxy war, from a Ukrainian prison

David North@davidnorthwsws
30 April 2024

On Thursday, April 25, Bogdan Syrotiuk—a socialist opponent of the fascistic Zelensky regime and the NATO-instigated Ukraine-Russia war—was arrested by the Security Service of Ukraine, the SBU, in his hometown of Pervomaisk in southern Ukraine.

Bogdan Syrotiuk

Bogdan, who is 25 years old and in poor health, is being held in a prison in Nikolaev under atrocious conditions on fraudulent charges of undermining the territorial integrity of Ukraine and serving the interests of Russia. If found guilty by a kangaroo court of these charges, Bogdan is threatened with a prison sentence of 15 years to life, which is the equivalent of a death sentence.

https://x.com/DavidNorthWSWS/status/1785376007232303446

The arrest of Bogdan is the latest example of the Zelensky regime’s brutal repression of left-wing movements, whose opposition to the war is finding a growing response within the Ukrainian working class.

SBU agents ransacked Bogdan’s apartment and the office that he has used to conduct political and educational activities. The World Socialist Web Site has been informed that the SBU is claiming that it found a Russian military coat, a backpack with the letter “Z”—a symbol associated with Russian military chauvinism—and a gas mask in the office. Only dull-witted fascist police will expect people to believe that such items will be found in an office that prominently displays a photo of Leon Trotsky and offers a wide selection of Marxist-Trotskyist literature.

If such items were “found” in Bogdan’s office, it is because they were planted there by the SBU, whose unscrupulous and Gestapo-like methods are common knowledge in Ukraine.

Bogdan Syrotiuk at a May 9 rally in honor of the Soviet victory over Nazi Germany in World War II.

Attempts to portray Bogdan as a supporter of the Putin regime and its invasion of Ukraine are politically preposterous. Comrade Syrotiuk is a leading member of the Young Guard of Bolshevik-Leninists (YGBL), a Trotskyist youth organization active in Ukraine and throughout the former Soviet Union.

https://www.wsws.org/en/special/pages/international-mayday-online-rally-2024.html

In political solidarity with the International Committee of the Fourth International (ICFI), the YGBL opposes the oligarchic capitalist governments in both Ukraine and Russia. In numerous articles posted on the World Socialist Web Site and in speeches delivered at events sponsored by the ICFI, Bogdan has unequivocally condemned the war and called for the unity of the Ukrainian and Russian working class against the reactionary national-chauvinist regimes headquartered in Kiev and Moscow. His comrades in Russia unequivocally oppose the capitalist restorationist regime of Putin and its delusional glorification of neo-tsarist Russian nationalism.

In a speech written three days before his arrest, which he planned to deliver at the International Committee’s upcoming celebration of May Day, Comrade Bogdan states:

“On the day of international solidarity of the working class, we, members of the Ukrainian branch of the Young Guard of Bolshevik-Leninists, and the entire YGBL call for the unification of the Ukrainian and Russian proletariat with the proletariat in the imperialist countries to end this war!”

The arrest of Comrade Bogdan Syrotiuk, part of a pattern of brutal repressive measures by the Zelensky regime against opponents of the war and the entire working class, exposes the lying claim that the US-NATO war against Russia is being waged in defense of democracy. Ukraine is a police state. Its population is subjected to martial law. Elections have been cancelled and Zelensky rules as a dictator, subject only to the dictates of his NATO sponsors, the financial interests of the billionaire oligarchs, and the neo-Nazi gangs upon whom he relies to intimidate the Ukrainian people.

In fact, the US State Department’s Bureau of Democracy, Human Rights, and Labor acknowledges in its latest report, issued earlier this month, the Ukrainian regime’s brutally repressive character. Among the grave “human rights issues” cited by the report are:

“enforced disappearance; torture and cruel, inhuman, or degrading treatment or punishment; harsh and life-threatening prison conditions; arbitrary arrest or detention; serious problems with the independence of the judiciary; restrictions on freedom of expression, including for members of the media, including violence or threats of violence against journalists, unjustified arrests or prosecutions of journalists, and censorship; serious restrictions on internet freedom; substantial interference with the freedoms of peaceful assembly and association; restrictions on freedom of movement; serious government corruption; extensive gender-based violence; systematic restrictions on workers’ freedom of association; and the existence of the worst forms of child labor. Some of these human rights issues stemmed from martial law, which continued to curtail democratic freedoms, including freedom of movement, freedom of the press, freedom of peaceful assembly, and legal protections.”

Under these conditions of vicious repression, the life of Bogdan Syrotiuk is in immediate danger. Within the prisons, the inmates are subject to the violent regime instituted by an administration saturated with Ukrainian fascists. The State Department report further states:

“Although the constitution and law prohibited torture and other cruel and unusual punishment, there were reports law enforcement authorities engaged in such abuse. Under normal circumstances, courts could not legally use confessions and statements made under duress to police by persons in custody as evidence in court proceedings, but the institution of martial law since the start of Russia’s full-scale invasion permitted this.”

Particularly ominous, given the attempt of the SBU to frame up Bogdan as an agent of the Russian military, is the State Department’s finding that:

“There were reports law enforcement and military officials abused and, at times, tortured persons in custody to obtain confessions, usually related to alleged collaboration with Russia.”

The Kiev regime, which is responsible for these atrocities is being showered with billions of dollars and armed with the most advanced weaponry by the United States and its NATO allies. The arrest of Bogdan occurred just as the US Congress voted to allocate another $60 billion to a war that has already cost the lives of approximately 500,000 Ukrainian soldiers. The Biden administration and its counterparts in London, Paris, Berlin, Rome and the other capitals involved in the direction of the proxy war are no less responsible for the fate of Bogdan Syrotiuk than their agents in Kiev.

The working class and youth throughout the world are justly outraged by the criminal war being waged by Israel, with the support of the Biden administration and NATO, against the people of Gaza. But it must be understood that the same governments that are collaborating in the Gaza genocide are sponsoring the proxy war in Ukraine. The violence in Gaza and Ukraine are interconnected fronts in a global escalation of military conflicts that threaten humanity with a nuclear catastrophe.

The fight for Bogdan’s freedom and for an end to the proxy war must be seen as an essential component of the struggle against imperialism, genocide, and fascism.

The International Committee of the Fourth International and the World Socialist Web Site call for a global campaign to demand the immediate release of Bogdan Syrotiuk.

The international working class and student youth throughout the world must be informed of the seizure of Bogdan and mobilized in his defense.

We call for the widest circulation of this statement on all available social media. An online petition calling for the freedom of Bogdan has been established at Change.org. We urge you to sign the petition and post a statement on the site amplifying your call for his freedom. Bring this campaign to the attention of your co-workers and fellow students. For more information on how you can become involved in the fight for Bogdan’s release from prison, contact the World Socialist Web Site at this address.

Bogdan Syrotiuk must be freed!

Demand the release of Bogdan Syrotiuk, socialist opponent of NATO’s proxy war, from a Ukrainian prison Read More »

Stf

පාතාලය, යුක්තියේ මෙහෙයුම නම් මගඩිය හා මහජන ආරක්ෂාව

නන්දන නන්නෙත්ති විසිනි.

කුඩු ජාවාරම “නැවැත්තුවේ නැති වුනොත් අපට සිද්ධ වෙනවා ඒ අය හොයාගෙන යන්න. ගැටුමක් ඇති වුනොත් ඒගොල්ලන්ට මැරුම්කන්න වෙනවා,“යැයි  ආන්ඩුව නීති වරෝධී මත් ද්‍රව්‍ය හා පාතාලයට එරෙහිව යැයි දියත් කර ඇති යුක්තියේ මෙහෙයුමේ ක්‍රියාකාරීත්වය ගැන පසු ගිය සෙනසුරාදා යාපනයේ දී පැවති රැස්වීමක දී මහජන ආරක්ෂක ඇමති ටිරාන් අලස් යලි ප්‍රකාශ කලේ ය.  රාජ්‍ය භීෂනය පීඩිත මහජනයා මත දිගේලී කිරීම තීව්‍ර කිරීමේ හා අඛන්ඩව පවත්වා ගෙන යාමේ  පියවරක් ලෙස 20 දා පාතාලය මර්දනය කිරීමට යැයි කියමින් තවත් පොලිස් විශේෂ බලඇනි 20 ක් මුදා හරිමින් පොලිස්පති කීවේ මාස කිහිපයකින් පාතාලය “අවසන් කරන” බවයි.  

Stf
2024 මාර්තු 20 විශේෂ පොලිස් බල ඇනි 20 ක් මුදා හැරීම Image Courtesy of NewsWire

පසු ගිය 11 දා රාත්‍රි පිටිගල සහ අම්බලන්ගොඩ ස්ථාන දෙකක දී වාර්තා වූ, සිව් දෙනෙකුගේ ජීවිත අහිමි කල හා තවත් හයදෙනෙකුට තුවාල සිදු කල, වෙඩි තැබීම් සිද්ධි දෙක පිලිබඳ සඳහන් කරමින් පොලිස්පති දේශබන්දු තෙන්නකෝන් ද ඇමතිවරයා කී දෙය තවත් ආකාරයකින් අම්බලන්ගොඩ දී ප්‍රකාශයට පත් කර තිබිනි. “ඒ වගේ ක්‍රියාවල නිරත වන පිරිස්වලට තේරෙන භාෂාවෙන් ම පිලිතුරු දෙන්න අපි ක්‍රියා කරනවා“ යි ඔහු කී ය. 

ශ්‍රී ලංකා පොලිස්පති පෙර සදහන් ප්‍රකාශ කරන අවස්ථාව වන විටත්, ඊට පෙර දින පෑලියගොඩ පොලිසිය අත් අඩංගුවට ගත් සැකකරුවකු වෙඩි තබා ඝාතනය කර තිබිනි. ජනවාරි 24 දින කලපලුවාවේ ධම්මරතන නම් භික්ෂුව ඝාතනය කිරීම සම්බන්ධයෙන් සැකකරුවෙකු ලෙස හම්බෙගමුව පොලිසිය විසින් 10 දා අත්අඩංගුවට ගනු ලැබූ මෙම සැකකරුවා පෑලියගොඩ පොලිසියට බාර දෙන ලදී. සැකකරු යුද හමුදා කොමාන්ඩෝ බලකායේ සේවය කර ඇති පොලොන්නරුව අරනගම්විල පදිංචි කල්හාර දිල්ශාන් නමැති දරුනු අපරාධකාරයෙකියි පොලිසිය කියයි. පෑලියගොඩ පොලිසිය පසු දින රාත්‍රී 11ට පමන අන්තනගල්ල, ඌරාපොල ලිහිනියා ඇල ප්‍රදේශයට ඔහු රැගෙන ගොස් ඩෙඩි තබා මරා දැමුවේ ය. මාංචු දමා සන්නද්ධ පොලිස් බලකායක ආරක්ෂාව යටතේ ගෙන ගිය මේ පුද්ගලයා “පොලිස් නිලධාරියෙකු හෙලකට තල්ලු කර දමා පලා යාමට තැත් කරද්දී වෙඩි තැබූ” බව දිවයින වාර්තා කර ඇත. 

මේ අනුව, ඉහත නිවේදනවලින් පැහැදිලි වන පරිදි, යුක්තියේ මෙහෙයුම යනු අධිකරන ක්‍රියා පටිපාටියට පිටින්, පිලිගත් මිනිස් අයිතිවාසිකම් හා පවතින නීති උල්ලංඝනය කරමින් මිනිසුන් ඝාතනය කිරීම දක්වා බලය පාවිච්චි කිරීමට පොලිසියට අවසර දෙන ආන්ඩුවේ ත්‍රස්ත ව්‍යාපාරයකි.  

ගිය වසරේ දෙසැම්බර් 17 දින සිට පොලිස් මෙහෙයුමක් ලෙස දියත් වූ මෙහෙයුම, මෙම මාර්තු 11 සිට පුලුල් කරමින් යුද හමුදාව ද ඒ සඳහා යොදා ගැනීමට තීන්දු කෙරුනි. ඒ වන විට රට පුරා වැටලීම් 68,931ක් සිදු කර රුපියල් කෝටි 85ක මත් ද්‍රව්‍ය සහ විවිධ වැරදි සම්බන්ධ සැකකරුවන් 68,577ක් අත් අඩංගුවට ගත් බව පොලිසිය වාර්තා කර තිබිනි. බොරු චෝදනා මත අත්අඩංගුවට ගත් බොහෝ අහිංසකයින් මීට ඇතුලත් ය. පොලිස් වාර්තා අනුව රුපියල් කෝටි 72 ක දේපල නීතිවිරෝධී වත්කම් ඒකකය මගින් අත් අඩංගුවට ගෙන පැවතිනි. තහනම් මත්ද්‍රව්‍ය ජාවාරම පවත්වාගෙන යන මහා ව්‍යාපාරිකයන්ට ඊනියා මෙහෙයුම ලඟා නො වන නිසා මෙම සංඛ්‍යාවලින් පාඨකයා මුලාවට පත් නො විය යුතු ය. 

යුක්තියේ මෙහෙයුම මගින් තහනම් මත්ද්‍රව්‍ය ව්‍යාපාරය පාලනය කල බවට වාර්තාවක් නැත. නමුත් මෙහෙයුම බස් රථ තුල කාන්තාවන්ට ලිංගික හිරිහැර කරන පුද්ගලයන් සෙවීමේ සිට යාචකයන් අත් අඩංගුවට ගැනීම දක්වා දිගු කර ඇත. පෙබරවාරී 26දා, නුගේගොඩ, පාගොඩ පදිංචිව සිටි 69 හැවිරිදි මඩවලගේ නිව්ටන් නමැති මේසන්වරයකු වැඩට යාමට සිය සගයා එන තෙක් නුගේගොඩ දුම්රිය ස්ථානයේ බලා සිටිය දි, “රථවාහනවලට බාධා වන පරිදි සිඟමන් යැදීම” ට එරෙහි පොලිස් මෙහෙයුමක දී අත් අඩංගුවට ගැනීම යුක්තියේ ස්වභාවය පිලිබද නිදසුනකි. ඔහු හැඳුනුම්පත පෙන්වා තම අනන්‍යතාව තහවුරු කලත් පොලිසිය තවත් 9 දෙනෙකු සමග ඔහු ද අත් අඩංගුවට ගෙන උසාවියට ඉදිරිපත් කර යාචකයින් රඳවා සිටින මධ්‍යස්ථානයකටත් පසුව මැගසින් බන්ධනාගාරයටත් යවන ලදී. පපුවේ අමාරුවකින් පෙලුනු මේ වයෝවෘධ මිනිසා 7දා රාත්‍රී 1.30ට පමන මිය ගිය බව බන්ධනාගාරයෙන් පවුලේ අයට දන්වා ඇතැයි නිව්ටන්ගේ ඥාතීහු මාධ්‍යයට පැවසූහ. කැකෑරෙන මහජන වික්ෂෝපය තෙරපා සිටීම සඳාහා සෑම තැනකම සන්නද්ධ බලකායන් මෙහෙයවමින් දුප්පතුන් මැඩ තබා ගැනීම හා සමාජය තුල රාජ්‍ය භීෂනය පැතිර වීම ඊනියා යුක්තියේ මෙහෙයුමේ ඉලක්කය වන බවට මේවා සාක්ෂි ය.  

නීති විරෝධී මත් කුඩු වැටලීම් සම්බන්ධයෙන් යුක්තියේ මෙහෙයුම කුඩු භාවිත කරන හෝ ගෙන්වන අය නො ව අලෙවි කරන පුද්ගලයන් එල්ල කර ගන්නා බව මහජන ආරක්ෂක ඇමති  අලස් මෙහෙයුම දියත් කරමින් කියා සිටියේ ය.  දෙසැමිබර් 17 මෙහෙයුම දියත් කිරීම ගැන අවස්ථා ගනනක දී ම ඇමතිවරයා කියා සිටියේ කුඩු විකුනන අය නැති වූ විට බොන අයටත් ගෙන්වන අයටත් සිය අරමුනු ඉටු කර ගැනීමට ඉඩ නැති වන නිසා තම ඉලක්කය කුඩු විකුනන අය නැති කිරීම බව ය. මේ ප්‍රකාශය එල්ල කෙරෙන්නේ ගම් හා නගරවල ජීවනෝපායයට අන් මඟක් නැති නිසා මෙවන් ක්‍රියාවන්ට පෙලඹෙන දුගීන් වෙත ය. පෙබරවාරි 12දා පොලිස්පති කලුතර දී ප්‍රජා පොලිසි කමිටු රැස්වීමක් අමතමින් “ගෙදර කෙනෙක් අහුවෙනකොට දෙවෙනියා වැඩේට බැස්සා කියා“ වාරතාවක් ලැබී ඇති බව කී ය. “මේ ව්‍යාපාරයේ කෙනෙක් අල්ලං ගියාම එයා හිරගත වුනාම එයාගෙන් කුඩු ගත් කොට්ටාශයක් ඉන්නවා නම් ඒ අය කාගෙන්ද දැන් ගන්නේ කියා හොයා“ දිගටම මෙහෙයුම සිදු කරන හැටි ඔහු විස්තර කලේ ය. ගෙදර කෙනෙක් අත් අඩංගුවට ගත් විට එම අනතුර බාර ගැනීමට එම ගෙදරම තවෙකෙකු ඉදිරිපත් වනවා නම් එහි තේරුම එතැන ජීවනෝපාය පිලිබඳ බරපතල ප්‍රශ්න ඇති බව ය. කුඩු ව්‍යාපාරිකයන්ට එකෙකුට පසු එකෙක් ලෙස ඔවුන් යොදා ගත හැකි වන්නේ ඒ නිසා ය. 

ප්‍රබල පාතාලයෙකු පොලිස් නිලධාරියෙකු සමග කල සංවාදයක් යැයි කියන හඬ පටයක් මෑත දී මාධ්‍ය හරහා ප්‍රසිද්ධ විය. “පොලිසිය හැටියට ඔබේ රාජකාරිය කරන්න. රාජකාරිය නිසා එය ඔබ කල යුතු ය. කුඩු විකුනන කීපදෙනෙකු අල්ලා නඩු දැමුවාට කමක් නැත. අපේ බිස්නස් නතර කරන්නට උත්සාහ නො කරන්න.“ යි ඔහු නිලධාරියාට කී ය. මහජන ආරක්ෂක ඇමතිගේ සැලැස්ම හරියටම මේ යෝජනාවට ගැලපේ. 

මෙහෙයුම පුලුල් කිරීම ගැන නිවේදනය කල මාධ්‍ය සාකච්චාවක දී යුක්තිය මානව හිමිකම් උල්ලංගනය කරන්නේ ය යන මහජන අවබෝධය ගැන විමසන ලදුව, පොලිස් මාධ්‍ය ප්‍රකාශක එය ප්‍රතික්ෂේප කලේ ය. ඔහු ඊට සාක්ෂි ලෙස ගෙන හැර පෑවේ මේ දක්වා කිසිවෙක් මෙහෙයුමට එරෙහිව මානව හිමිකම් නඩුවක් පවරා නැත යන්න ය. නඩු කීමට සාක්ෂි අවශ්‍ය ය. පොලිස් මාධ්‍ය ප්‍රකාශකයා හොදින් ම දන්නා පරිදි පොලිසිය පාතාල ක්‍රියාවලට බෙහෙවින් සමාන ලෙස වින්දිතයාට වාසි සාක්ෂි ඉතුරු නොකරමින්ම ක්‍රියාන්විතය මෙහෙයවයි. පොලිසියේ ඉහල තැන් වලින් මහජන පැමිනිලි නො තකා හැරේ. රටේ දූෂිත ම ආයතනයක් වන පොලිසිය යුක්තිය ඉටු කරනු ඇතැයි සිහි බුද්ධිය ඇති කිසිවෙකු විශ්වාස කරනු නැත. 

පොලිස් ප්‍රකාශකගේ කුහක ප්‍රකාශයේ පල්ල යන අත්දැකීම් අපමන ය. ජනවාරී 20 දා මාතර තෙලිජ්ජවිල ත්‍රී ස්ටාර් නම් ජංගමදුරකථන අලෙවිසැලක දී මින්දික අලුත්ගමගේ නැමැති 22 හැවිරිදි අහිංසක තරුනයා ඩෙඩි තබා ඝාතනය කිරිම එවන් එක් සිද්ධියකි. වෙලදසැලේ හිමිකරු ඩිල්ෂාන් මදුසංඛ නමැති තරුනයෙකි. මෙය පොලිසිය විසින් කරන ලද අපරාධයක් බවට ඩිල්ෂාන් ප්‍රසිද්ධියේ කරුනු ඉදිරිපත් කලේ ය. තමන් බැහැරට ගිය අවස්ථාවේ තමන් ඝාතනය කිරීමට පැමිනි ඝාතකයන් වැරදී තම මිත්‍රයාට වෙඩි තබා ඇති බව ඔහු පැහැදිලි කලේ ය. ඊට හේතු ඔහු පෙන්වා දුන්නේ ය. 2020 අගෝස්තු 24 දින මාලිම්බඩ පොලිසිය තෙලිජ්ජවිල මත්පැන් අලෙවිසැලක මුදල් සොරකම් කලේ ය යි ඔහු අත්අඩංගුවට ගන්නා ලදී. පොලිසිය ඔහුට දරුනු වද හිංසා දුන් අතර ඔහු නිර්දෝෂී බව සීසීටීවී දර්ශන වැඩි දුර පරික්ෂා කිරීමේ දී තහවුරු විය. තරුනයා ශාරීරික ආබාධයන්ට ගොදුරු විය. තරුනයාගේ මව පොලිස් කොමිසම ඇතුලු අදාල සියලු තැන්වලට පැමිනිලි කල ද කිසිදු සහනයක් නො වීය. ශ්‍රේෂ්ඨාධිකරනයේ පැවරූ 68/2021 මූලික අයිතිවාසිකම් නඩුව පෙබරිවාරි 16දා නැවත විභාගයට ගැනීමට නියමිතව තිබිනි. මේ කටයුතු නතර කරන ලෙස තමන්ට පොලිසියෙන් ජීවිත තර්ජන එල්ල වූ බවත් පොලිසිය හැර තමන් මරා දැමීමට කිසිවෙකු නැති බවත් ඩිල්ෂාන් මාධ්‍ය හා සිය ෆේස්බුක් ගිනුම හරහා කියා සිටියේ ය.

මෑත ම සිද්ධිය මාර්තු 2 දින ගාල්ල, නාගොඩ, වලකුඹුර අත්තම් නිවාසවල පදිංචි වැඩ තහනම් වූ පොලිස් සැරයන්වරයෙකු හා පොලිසියේ දූෂන හෙලිදරව් කල සමාජ මාධ්‍ය ක්‍රියාකාරියකු වන නිමල් ජයසේකරගේ නිවසට කඩා වැදී ටී 56න් වෙඩි තබා, ඔහුගේ ටැබ් පරිඝනකය හා ජංගම දුරකථනය කොල්ල කෑමයි. ඔහු චෝදනා කරන්නේ මෙය ශ්‍රී ලංකා පොලිසිය සිදු කල බවයි. එසේ නැති නම් අදාල අවිය, පුද්ගලයන් හා පැමිනි මෝටර් සයිකලය අත් අඩංගුවට ගෙන පෙන්වන ලෙස ඔහු පොලිසියට අභියෝග කරයි.  

පොලිස් සැරයන් නිමල් ජයසේකරගේ හෙලිදරව්ව

බොහෝ පාතාල වෙඩික්කරුවන් හා සංවිධානාත්මක අපරාධකාරයන් හමුදාවේ හෝ පොලිසියේ සම්බන්ධයක් සහිත පුද්ගලයන් බව මෙහිදී නො තකා සිටිය යුතු නැත. දෙසැම්බර් 21 තංගල්ලේ දී පස්දෙනෙකු ඝාතනය කල කල්ලියේ ප්‍රධාන වෙඩික්කරු හිටපු නාවික හමුදා සෙබලෙකි. පෙබරවාරී 17 අම්බලංගොඩ පුද්ගලයකු ඝාතනය කිරිම සඳහා උත්සාහ කිරීමේ දී අත්අඩංගුවට පත් තුවක්කුකරු කිලිනොච්චි යුධ හමුදා කදවුරේ සිට පැමිනි සෙබලෙකි. ඔහු මෙහෙයවනු ලැබූ, කොන්ත්‍රාත්තුව ලබා ගත්, එම කඳවුරේම නිලධාරියෙකු ද අත් අඩංගුවට පත් විය.

පාතාලයෙන් සමාජ ජීවිතයට එල්ල වන තර්ජනය පොලිසිය විසින් හුවා දක්වනු ලබන්නේ, නීතියට පිටින් මිනී මැරීම, බොරු නඩු ඇටවීම, සමාජ ජීවිතය ත්‍රස්තයෙන් පරිපාලනය කිරීම යනාදී පොලිසියේ ක්‍රියාවන්ට එරෙහි ව එල්ලවන මහජන විරෝධය යටපත් කිරීමට ය. පීඩිත මහජනයාට හතුරු ධනපති පන්තියේ උපකරනයක් වන පොලිසියේ පැවැත් ම මහජන නිදහසට තර්ජනයකි. පොලිසියේ සහ රාජ්‍ය තන්ත්‍ර යේ ඉහල මට්ටමේ සහාය නැතිව මහා පරිමාන නීති විරෝධී ව්‍යාපාර පවත්වා ගෙන යා නො හැකි බව රහසක් නො වේ. මේ අංශයෙන් සැලකූ කල මහජනයාට බිය සැක නැති ජීවිතයක් අහිමි වී ඇත්තේ පාතාලය හා පොලිසිය යන ධනපති සමාජ අංශ දෙක ම නිසා ය.

පොලිසිය සාමාන්‍ය ජන ජීවිතය මත පවත්වා ගෙන යමින් තිබෙන පාලනයේ ස්වභාවය පිලිබද එක් නිදසුනකි, පසුගිය මාර්තු 14 දා හික්කඩුව පොලිසිය පීඩිත ධීවරයෙකු වන හික්කඩුවේ තුඩුවේගොඩ පදිංචි 42 හැවිරිදි ගංගේ නිශාද් කුමාරට සිදු කල හදිය. ඔහු සිය නිවස ආසන්නයේ දී අත්අඩංගුවට ගනු ලබන්නේ හැඳුනුම් පත ලග නො තිබීම නිසා ය. නමුත් ඔහු රැගෙන යනු ලබන්නේ බලහත්කාරයෙන් පොලිස් ගොඩනැගිල්ලේ තීන්ත ගාවා ගැනීමට ය. පවුලේ අය හැඳුනුම්පත රැගෙන ගොස් අනන්‍යතාව තහවුරු කලත් ඔහු නිදහස් නො කෙරින. තීන්ත ගෑම අවසන් නො කිරීමත්, තමන් වෙනුවෙන් නිතිඥයකු මැදිහත් කරවීමත් නිසා උරන වූ පොලිසිය සොරකමක සැක කරුවෙකු ලෙස ඔහුට එරෙහි චෝදනා ගොනු කර ඇත. ඊනියා යුක්තියේ මෙහෙයුම මෙම තත්වය සුරක්ෂිත කොට වර්ධනය කිරීම සඳහා ය.

“පොලිස් දත්තවලට අනුව 2022 වසරේ (ශ්‍රී ලංකාවේ) අපරාධ මාසිකව 60%න් ඉහල නැගුනු අතර සුලු අපරාධ කාන්ඩයේ ජනවාරී මාසයේ වාර්තා වූ 1,676 නොවැම්බර් අවසානය වන විට 29,908 දක්වා ඉහල ගිය බව සඳහන් කරන ග්ලෝබල් ඉනීෂියේටිව් (Global Initiative) ආයතනය, ශ්‍රී ලංකා අර්බුදයේ අපරාධ පිරිවැය (The crime cost of Sri Lanka) යන හිසින් ලියූ ලිපියකින් පෙන්වා දී ඇත්තේ, “ගෝලීය සංවිධානාත්මක අපරාධ දර්ශකය මඟින් මනිනු ලබන පරිදි ආර්ථික ආතතිය නීති විරෝධී ක්‍රියාකාරම්වල වැඩි වීමක් ද ජනනය කර ඇති,“ බවයි. සෑම වර්ගයේ ම මිනිස් ඝාතන 2019 ආර්ථික අර්බුදය ඉස්මත්තට එමින් තිබිය දී පැවති 273 සිට 2022 එහි උපරිම තුඩේ දී දී 533 දක්වා ඉහල නැඟ තිබීම තවත් සාක්ෂියකි. 

යුක්තියේ මෙහෙයුම මෙම ප්‍රවනතාව පාලනය කලා නොව උත්සන්න කලේ ය. 2023 මුල් මාස 6 තුල මාසයකට දල වශයෙන් 4 ක් වූ වෙඩි තබා ඝාතන කල සංඛ්‍යාව යුක්තියේ මෙහෙයුම ක්‍රියාත්මක කල මේ වසරේ දී මාසයකට 7 දක්වා ඉහල ගොස් ඇත.  

ආන්ඩුව අනුගමනය කරමින් සිටින්නේ කැරලි මර්දනයට උපයෝගී වූ බවට පිලිගත්, 2016 – 2022 පිලිපීන ජනාධිපති රොඩ්‍රිගෝ ඩුටර්ටේ ගෙන ගිය පිලිපීන “මත්ද්‍රව්‍ය වලට එරෙහි යුද්ධය” පිලිවෙතයි. එය පිලිපීන දුප්පතුන් 7000ත් 12,000 අතර සංඛ්‍යාවකට ඝාතනය කරනු ලැබිනි. ඉන් වැඩි දෙනා නාගරික දුගීහු වූහ. හියුමන් රයිට්ස් වොච් පර්යේෂනයකින් සොයා ගෙන ඇති පරිදි, පොලීසිය නීති විරෝධී ඝාතන සාධාරනීකරනය කිරීමට සාක්ෂ්‍ය ව්‍යාජනය කිරීමේ යෙදී සිටියහ.

තහනම් මත්ද්‍රව්‍ය භාවිතය හා අපරාධ වැඩි වීම ලෝක ප්‍රපංචයකි. 2021 වසර තුල මිලියන 296ක් මත් ද්‍රව්‍ය භාවිත කර ඇති බව එක්සත් ජාතීන්ගේ මත්ද්‍රව්‍ය හා අපරාධ සම්බන්ධ කාර්යාලය වාර්තා කර ඇත. එම වාර්තාවට අනුව එය පෙරට වඩා 23% වැඩි වීමකි. ගෙවී ගිය වසර 10 තුල මත්ද්‍රව්‍ය භාවිතය නිසා මානසික රෝග වැලඳුනු ගනන මිලියන 39.5 දක්වා 45%න් ඉහල නැගී ඇත. මත් ද්‍රව්‍ය කර්මාන්තය යනු මෙවන් මහා වෙලඳපොලක් ඇති එකකි. මෙම කර්මාන්තය ලෝක මෝටර් රථ වෙලඳපොල මෙන් දෙගුනයක් විශාල බව එක්සත් ජාතීන්ගේ හිටපු මහ ලේකම් කොෆී අන්නන් ප්‍රකාශ කර ඇත.

ලෝක ආදායමෙන් 76%ක් ගිල දමන ඉහල ආදායම්ලාභී 10% ක පන්ති පාලනය විසින්, ඉන් 2%ක් පමනක් ලබන පහල 50% තුල සිටින තරුනයන්ගෙන් ලොව පුරා මිලියන 296 ක පාරිභෝගිකයන් සහිත වෙලඳපොලක් නිර්මානය කර ඇත. කිසිදු ධනපති තන්ත්‍රයක් මේ තත්වයෙන් මහජනයා ගලවා ගැනීමෙහි ලා සමත් නො වන්නේ ය. සමාජයේ පීඩිත කොටස්වලින් මෙන් ම ආරක්ෂක අංශ තුලින් ද අදාල ව්‍යාපාර සඳහා අවශ්‍ය වන අපරාධකාරයන් සම්පාදනය කිරීම පමනක් ධනවාදය පවතින තාක් සිදු වනු ඇත.

කම්කරු මහජනතාව සෙසු පීඩිත ජනයා පෙලගස්වා ගනිමින් ධනවාදයට එරෙහි සමාජවාදී වැඩපිලිවෙලක් සඳහා සටන් කිරීමෙන් මෙපිට මහජනයාගේ සමාජ හා ප්‍රජාතන්ත්‍රීය අයිතීන් ආරක්ෂාව තහවරු වන්නේ නැත. ඒ සඳහා අත්‍යවශ්‍ය විප්ලවවාදී නායකත්වය ගොඩනැගිය යුතුව ඇත.

පාතාලය, යුක්තියේ මෙහෙයුම නම් මගඩිය හා මහජන ආරක්ෂාව Read More »

Scroll to Top